Բակալավրիատի առկա ընդունելություն

ԵՊՀ կայքէջի «Ընդունելություն» բաժնում ներկայացված են ընդունելության հետ կապված ամբողջական տեղեկություններ, այդ թվում՝ ընդունելության կարգը, առկա մասնագիտությունները, տեղերի քանակը և վարձաչափերը, դիմորդների հայտերի շարժը, նախորդ տարիների անցողիկ շեմերը և կատարված փոփոխությունները։

Դիմում-հայտի լրացման հետ կապված խորհրդատվություն կարող եք ստանալ՝ զանգահարելով (+374 60) 710 777 հեռախոսահամարին կամ գրելով dimord@ysu.am էլհասցեին։

Նշված կապի միջոցները գործում են միայն դիմում-հայտերի ընդունման համար ստորև նշված ժամկետներում և սահմանված աշխատանքային օրերին ու ժամերին։

1-ին և 2-րդ փուլերով ընդունելություն

Բակալավրիատի ընդունելության 1-ին փուլի (ընդունելության կարգի 15-րդ կետ) փաստաթղթերն ընդունվում են ընթացիկ տարվա ապրիլի 15-ից մինչև մայիսի 10 ներառյալ (մայիսի 10-ին՝ մինչև ժամը 18։00-ն):

Բակալավրիատի ընդունելության երկրորդ փուլով (ընդունելության կարգի 16-րդ կետ) դիմորդներն ընդունելության քննությունների և մասնագիտության հայտագրման դիմում-հայտը www.dimord.am կայքէջի միջոցով ԳԹԿ են ուղարկում առցանց եղանակով ս․թ․ հունիսի 26-ից մինչև հուլիսի 1-ը ներառյալ (հուլիսի 1-ին՝ մինչև ժամը 17։00-ն)։

Լրացուցիչ (թափուր) փուլ

Հիմնական փուլի մրցույթի արդյունքները հրապարակվելու են ս.թ. հուլիսի 18-ին։ Հրապարակելուց հետո ընդունելության քննությունից դրական միավոր ստացած, սակայն հիմնական մրցույթից դուրս մնացած դիմորդները թափուր տեղերի առկայության դեպքում կարող են մասնակցել լրացուցիչ (թափուր) փուլի մրցույթին (ընդունելության կարգի 17-րդ կետ)։ Լրացուցիչ (թափուր) փուլի մրցույթին մասնակցելու համար մեկ կամ ավելի բուհերի մինչև 6 մասնագիտությունների նշումով նոր դիմում-հայտը դիմորդները dimord.am կայքի միջոցով ԳԹԿ են ուղարկում առցանց եղանակով՝ ս.թ. հուլիսի 19-ից մինչև հուլիսի 26-ը ներառյալ (հուլիսի 26-ին՝ մինչև ժամը 18։00-ն)։

Հիմնական փուլով ընդունված դիմորդները չեն կարող մասնակցել լրացուցիչ փուլի մրցույթին։

Լրացուցիչ փուլի մրցույթի արդյունքները կհրապարակվեն ս.թ. հուլիսի 30-ին։

ՈՒՇԱԴՐՈՒԹՅՈՒՆ

ԵՊՀ պաշտոնական կայքէջի «Ընդունելություն» բաժնի «Բակալավրիատ» ենթաբաժնում հուլիսի 18-ին կտեղադրվեն ԵՊՀ առկա ուսուցման հիմնական փուլի ընդունելության, իսկ հուլիսի 30-ին՝ լրացուցիչ փուլի ընդունելության արդյունքները:

Առկա ուսուցմամբ ընդունված դիմորդները, առկա ուսուցման ընդունելության կարգի 89-րդ կետի համաձայն, պահանջվող փաստաթղթերի բնօրինակները, այդ թվում՝ գնահատականների վերաբերյալ ԳԹԿ-ի տված վկայագիրը, պետք է օգոստոսի 21-ից մինչև սեպտեմբերի 1-ը ներառյալ ներկայացնեն համապատասխան կրթական ստորաբաժանման (ֆակուլտետի) դեկանատ:

Առկա ուսուցման դասերը սկսվում են սեպտեմբերի 1-ից:

Առկա ուսուցմամբ ընդունված և ազգային բանակ զորակոչված դիմորդների ընտանիքի անդամներից մեկը ս.թ. սեպտեմբերի 1-ից 10-ն ընկած ժամանակահատվածում պետք է համապատասխան ֆակուլտետի դեկանատ ներկայացնի պահանջվող փաստաթղթերը, ինչպես նաև ազգային բանակ զորակոչվելու մասին հավաստող փաստաթուղթը, որից հետո կձևակերպվի տարկետում: Հակառակ դեպքում՝ դիմորդը կկորցնի իր տեղը:

Պահանջվող փաստաթղթեր

  1. Ավարտական փաստաթուղթ` ատեստատ կամ դիպլոմ (միջուկով),
  2. լուսանկար (3x4 չափսի) - 1 հատ,
  3. անձը հաստատող փաստաթուղթ (բնօրինակը և պատճենը՝ 1 օրինակից),
  4. գնահատականների վերաբերյալ ԳԹԿ կողմից տրված վկայագիր (բնօրինակը),
  5. զինվորական գրքույկ (բնօրինակը) (առկայության դեպքում),
  6. արտոնություններից օգտվելու դեպքում՝ անհրաժեշտ լրացուցիչ փաստաթղթեր։

Կարդալ ավելին

 

Կարևոր փաստաթղթեր

2023-2024 ուստարվա ընդունող հանձնաժողովի աշխատանքային օրերն ու ժամերը

ԵՊՀ ընդունող հանձնաժողովն աշխատում է ապրիլի 15-ից մինչև մայիսի 10-ը ներառյալ՝ ժամը 9:30-ից 17:00-ն, ապրիլի 15-ին՝ ժամը 10:00-ից 16։00-ն, մայիսի 10-ին՝ ժամը 9:30-ից 18։00-ն։

Հանգստյան օրեր` շաբաթ, կիրակի և տոն օրեր

Հունիսի 26-ից մինչև հուլիսի 1-ը ներառյալ հանձնաժողովն աշխատում է ժամը 10:00-ից 17:00-ն։

Հուլիսի 19-ից մինչև հուլիսի 26-ը ներառյալ հանձնաժողովն աշխատում է ժամը 10:00-ից 17:00-ն, հուլիսի 26-ին՝ ժամը 10:00-ից 18:00-ն։


Հանգստյան օրեր` շաբաթ և կիրակի

Կոնտակտներ

Ընդունող հանձնաժողով

Հեռ.` (+374 60) 710 777 (ներքին՝ 87-77)

Էլհասցե` dimord@ysu.am