Международная кредитная мобильность программы «Эразмус+», Братиславский экономический университет, Словакия

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բրատիսլավային տնտեսագիտության համալսարանի միջև կնքված պայմանագրով նախատեսվում է շարժունություն «Գործարարություն և վարչարարություն» ու «Տնտեսագիտություն» մասնագիտություններով՝ բակալավրիատի, մագիստրատուրայի և ասպիրանտուրայի 2 ուսանողի համար՝ 2023/2024 ուստարվա 2-րդ կիսամյակում 4 ամիս ժամկետով ուսանելու հնարավորություն:

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am )

Դիմումների ընդունման վերջնաժամկետն է ս.թ. հոկտեմբերի 8-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV) «Europass» ձևաչափով,

3. մոտիվացիոն նամակ,

4. ակադեմիական տեղեկագիր,

5. տեղեկանք՝ ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies),

7.ընդունող բուհի գիտական ղեկավարի համաձայնությունը (միայն ասպիրանտների համար. դիմել ֆակուլտետ՝ ուղարկելով CV և հետազոտական աշխատանքի պլանը),

8.շարժունության համաձայնագիր։

Օտար լեզվով դասավանդվող առարկաների ցանկը՝ այստեղ: