Дни испанского языка в ЕГУ

Ս.թ. սեպտեմբերի 18-ին՝ ժամը 10:30-ին, ԵՊՀ եվրոպական լեզուների և հաղորդակցության ֆակուլտետում Կադիսի համալսարանի (Իսպանիա) հետ գործակցության շրջանակում կբացվի նոր՝ հայ-իսպանական կաբինետ (ԵԼՀ, 524 լսարան):

Միջոցառման շրջանակում սեպտեմբերի 18-20-ը ԵՊՀ-ում կհյուրընկալվեն Կադիսի համալսարանի միջազգայնացման գծով պրոռեկտոր Ռաֆայել Կաստանյեցան, լեզվական քաղաքականության վարչության տնօրեն Ֆրանսիսկո Խավիեր դե Կոսը, Արևելյան Եվրոպայի և Կետրոնական Ասիայի համագործակցության կենտրոնի տնօրեն Անդրես Սանտանան, որոնք նաև հանդես կգան դասախոսություններով:

Սեպտեմբերի 20-ին համալսարանում դասախոսություն կկարդա իսպանացի գրող Խոսե Տոնո Մարտինեսը:

Այցի հիմնական նպատակն է երկու համալսարանների միջև ակադեմիական, գիտական և մշակութային կապերի ամրապնդումը: