«Էրազմուս+» ծրագրի միջազգային կրեդիտային շարժունություն Աքվիլայի համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Աքվիլայի համալսարանի (Իտալիա) միջև կնքված պայմանագրով նախատեսվում է 1 շարժունություն պրոֆեսորադասախոսական հիմնական կազմի համար 2023/2024 ուստարվա 1-ին կիսամյակում 1 շաբաթ ժամկետով 8 ժամ դասախոսություն կարդալու համար, ինչպես նաև 2 շարժունություն մագիստրանտների համար 2023/2024 ուստարվա 1-ին կիսամյակում 6 ամիս ժամկետով ուսանելու նպատակով:

Պրոֆեսորադասախոսական կազմի համար պարտադիր է գերմաներենի իմացությունը, ուսանողների համար՝ իտալերենի, անգլերենի կամ գերմաներենի:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ international@ysu.am):

Դիմումների ընդունման վերջնաժամկետն է ս.թ. մայիսի 7-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը պրոֆեսորադասախոսական կազմի համար (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV) «Europass» ձևաչափով,

3. տեղեկանք ԵՊՀ-ում աշխատելու վերաբերյալ, 

4. շարժունության համաձայնագիր (Mobility Agreement):

Ուսանողների համար՝

1. անձնագրի պատճեն,

2. ինքնակենսագրական (CV) «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ, 

6. լեզվի իմացությունը հաստատող փաստաթուղթ,

7. ուսումնառության համաձայնագիր (Learning Agreement for Studies):