«Էրազմուս+» ծրագրի միջազգային կրեդիտային շարժունություն Զալցբուրգի համալսարան, Ավստրիա

«Էրազմուս+» միջազգային կրեդիտային շարժունության գործողության շրջանակում Երևանի պետական և Զալցբուրգի համալսարանների միջև կնքված պայմանագրով նախատեսվում են շարժունություններ միջազգային հարաբերությունների ֆակուլտետի մագիստրատուրայի ուսանողների համար (Քաղաքագիտություն մասնագիտությամբ)` 2023/2024 ուստարվա 2-րդ կիսամյակում ուսանելու նպատակով:

Անգլերենի գերազանց իմացությունը պարտադիր է, գերմաներենինը՝ ցանկալի:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am): Նամակի վերնագրի դաշտում անհրաժեշտ է նշել Erasmus+, Salzburg:

Դիմումների ընդունման վերջնաժամկետն է ս.թ. հոկտեմբերի 18-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV) «Europass» ձևաչափով,

3. մոտիվացիոն նամակ,

4. ակադեմիական տեղեկագիր,

5. տեղեկանք՝ ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies)  

7. անգլերենի իմացությունը հաստատող վկայական:

Զալցբուրգի համալսարանի՝ անգլերենով կազմակերպվող դասընթացների ցանկը՝ այստեղ: