«Էրազմուս+» ծրագրի միջազգային կրեդիտային շարժունություն Գալացի «Դունարեա դե Ջոս» համալսարան, Ռումինիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Գալացի «Դունարեա դե Ջոս» համալսարանի (Ռումինիա) միջև կնքված պայմանագրով նախատեսվում է 3 շարժունություն պրոֆեսորադասախոսական կազմի (հիմնական աշխատակիցների) համար` 2023/2024 ուստարվա 2-րդ կիսամյակում 1 շաբաթ ժամկետով 8 ժամ դասախոսություն կարդալու, ինչպես նաև 2 շարժունություն` հումանիտար և սոցիալական մասնագիտություններով բակալավրիատի և մագիստրատուրայի ուսանողների համար` 2023/2024 ուստարվա 2-րդ կիսամյակում 5 ամիս ժամկետով ուսանելու նպատակով:

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. նոյեմբերի 19-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով).

ուսանողների համար`

1. անձնագրի պատճեն, 

2. ինքնակենսագրական (CV) «Europass» ձևաչափով

3. մոտիվացիոն նամակ, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ, 

6. ուսումնառության համաձայնագիր (Learning Agreement for Studies),

6.1. առարկաների ցանկը՝ այստեղ:

Պրոֆեսորադասախոսական կազմի համար՝

1․ տեղեկանք ԵՊՀ-ում աշխատելու վերաբերյալ,

2․ շարժունության համաձայնագիր (Staff Mobility Agreement for Teaching),

3․ ընդունող բուհի համաձայնություն,

4․ ինքնակենսագրական (CV) «Europass» ձևաչափով,

5․ անձնագրի պատճեն: