Կրթաթոշակի հնարավորություն Գրայֆսվալդի համալսարանում (Գերմանիա) ԵՊՀ հետազոտողների և պրոֆեսորադասախոսական հիմնական կազմի համար

Գրայֆսվալդի համալսարանը (Գերմանիա) միջբուհական համագործակցության շրջանակում տրամադրում է 3 կրթաթոշակ ԵՊՀ հետազոտողների և պրոֆեսորադասախոսական հիմնական կազմի (10 oր ժամկետով)  համար 2023/2024 ուստարվա երկրորդ կիսամյակում հետազոտական աշխատանք կատարելու նպատակով։

Կրթաթոշակը կազմում է օրական 89 եվրո: Ավիատոմսերի գումարը ներառված չէ:

Գերմաներենի և (կամ) անգլերենի իմացության առնվազն B2 մակարդակը պարտադիր է:

Համալսարանի մասին հավելյալ տեղեկություններ ստանալու համար անցնել հետևյալ հղումով՝ https://www.uni-greifswald.de/en/:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. դեկտեմբերի 10-ը։

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն).

1. անձնագրի պատճեն,

2. ինքնակենսագրական (CV) «Europass» ձևաչափով,

3. դիպլոմ,

4. հետազոտական աշխատանքի համառոտ նկարագիր (պլան),

5. հրավեր Գրայֆսվալդի համալսարանի պրոֆեսորի կողմից։