ԵՊՀ շրջանավարտների և կարիերայի կենտրոնի ու «Սինոփսիս Արմենիա» ընկերության համագործակցության շրջանակում կազմակերպության ներկայացուցիչները հանդիպեցին ուսանողների հետ։
Հանդիպման ընթացքում ընկերության թվային նախագծման ծրագրերի ավագ ինժեներ Դիանա Վիրաբյանը հանդես եկավ ծրագրավորման ոլորտին վերաբերող դասախոսությամբ՝ ուսանողներին ներկայացնելով մասնագիտական գիտելիքներ։
Կազմակերպության հավաքագրման մասնագետ Նելլի Կեսոյանը ներկայացրեց ընկերությունում փորձաշրջանի և աշխատանքի պայմանները, խոսեց ընկերությունում աշխատելու առավելությունների, ինչպես նաև ԵՊՀ-ի հետ համագործակցության շնորհիվ ուսանողներին ընձեռվող կրթական հնարավորությունների մասին։
Ուսանողները հնարավորություն ունեցան իրենց հետաքրքրող հարցերն ուղղելու բանախոսներին՝ ստանալով սպառիչ պատասխաններ։
Հանդիպման ժամանակ անցկացվեց նաև վիկտորինա, որի հաղթողներն արժանացան նվերների։
ԵՊՀ շրջանավարտների և կարիերայի կենտրոնի փոխտնօրեն Կարինե Նազարյանը, կարևորելով նման հանդիպումները, նշեց, որ դրանց շնորհիվ ուսանողները ոչ միայն մասնագիտական գիտելիքներ են ստանում, այլ նաև ծանոթանում են տարբեր ընկերություններում կարիերա ստեղծելու հնարավորություններին։
