Мероприятия

Ս.թ. մարտի 28-ին՝ ժամը 14:30-ին, ԵՊՀ կենսաբանության ֆակուլտետի 307 լսարանում Վիեննայի բժշկական համալսարանի պրոֆեսոր Յուլիա Վալոչնիկը հանդես կգա «Մոլեկուլյար գենետիկական գործիքակազմի կիրառումը մակաբուծաբանության մեջ» թեմայով դասախոսությամբ։

Ս.թ. մարտի 28-ին՝ ժամը 14:30-ին, ԵՊՀ կենսաբանության ֆակուլտետում «Սևանա լճի լիմնոհամակարգի ավտոտրոֆ օղակի ֆունկցիոնալ դերի և զարգացման օրինաչափությունների մոնիթորինգ տրոֆայնության տարբեր ժամանակահատվածներում» թեմայով զեկուցմամբ հանդես կգա Կիրառական կենսաբանության և էկոլոգիայի լաբորատորիայի գիտաշխատող Լուսինե Համբարյանը:

Ս․թ․ մարտի 28-ին՝ ժամը 12:30-ին, ԵՊՀ աշխարհագրության և երկրաբանության ֆակուլտետում կանցկացվի ցուցահանդես, որի շրջանակում կներկայացվեն «Երկրատարածական տեխնոլոգիաների կենտրոն» ընկերության կողմից Աշխարհագրության և երկրաբանության ֆակուլտետին նվիրաբերած նոր ուսուցողական քարտեզները:

Ս․թ․ մարտի 27-ին՝ ժամը 12։00-ին, ԵՊՀ հայ բանասիրության ֆակուլտետի դահլիճում կանցկացվի «Գրաբարը՝ որպես արդի հայերենի բառապաշարի հարստացման աղբյուր» խորագրով հանրապետական գիտաժողովը։

Ս.թ. մարտի 27-ին՝ ժամը 09:30-ին, ԵՊՀ պատմության ֆակուլտետում «Ռուսաստանի հարավի էթնոմշակութային նկարագիրը․ զարգացման վիճակը և դինամիկան» թեմայով դասախոսությամբ հանդես կգա Հարավային դաշնային համալսարանի (ՌԴ) սոցիոլոգիայի և տարածաշրջանագիտության ինստիտուտի տնօրեն, ս․գ․թ․, դոցենտ Ա․ Վ․ Բեդրիկը:

Ս.թ. մարտի 27-ին՝ ժամը 15:00-ին, ԵՊՀ գիտական խորհրդի նիստերի դահլիճի նախասրահում կանցկացվի «Չինաստան և Հայաստան. համատեղ զարգացում և արդիականացում» թեմայով միջազգային գիտական առցանց կոնֆերանս:

Ս.թ. մարտի 27-ին՝ ժամը 14:30-ին, ԵՊՀ կենսաբանության ֆակուլտետում «Հայաստանի ցամաքային փափկամարմինների բազմազանությունը և ֆիլոգենիան» թեմայով զեկուցմամբ հանդես կգա Կենդանաբանության լաբորատորիայի ավագ լաբորանտ Մերի Արզումանյանը:

Ս․թ․ մարտի 27-ին՝ ժամը 12։30-ին, ԵՊՀ պատմության ֆակուլտետի վրացագիտության կենտրոնում (315 լսարան), կանցկացվի հանդիպում Վրաստանի խորհրդարանի կրթության, գիտության և երիտասարդության հարցերի հանձնաժողովի նախագահ Գիվի Միքանաձեի գլխավորած պատվիրակության հետ:

Ս.թ. մարտի 26-ին՝ ժամը 15:00-ին, ԵՊՀ պրոֆեսոր Լ. Ղարիբջանյանի անվան պատմության թանգարանում (ԵՊՀ կենտրոնական մասնաշենք, 7-րդ հարկ) տեղի կունենա Տիգրան և Զապել Եսայանների կյանքին և ստեղծագործական գործունեությանը նվիրված դասախոսություն-հանդիպում:

Ս.թ. մարտի 26-ին՝ ժամը 14:30-ին, ԵՊՀ կենսաբանության ֆակուլտետում «Կորիզացիտոպլազմատիկ տրանսպորտի մեխանիզմի ժամանակակից մոդելը» թեմայով զեկուցմամբ հանդես կգա Ենթաբջջային կառուցվածքների և կենսաֆիզիկայի լաբորատորիայի գիտաշխատող Լիյա Մինասբեկյանը: