Мероприятия

Ս․թ․ հունիսի 3-ին և 4-ին՝ ժամը 14։00-ին, ԵՊՀ աշխարհագրության և երկրաբանության ֆակուլտետում (419 լսարան) Ֆրանսիայի Լիլի համալսարանի դասախոսներ երկրաբան, պրոֆեսոր Տարիել Դանիելյանը և աշխարհագետ Ժան Սքոլը հանդես կգան մասնագիտական դասախոսություններով։

Միջոցառմանը ներկա կլինեն ֆակուլտետի...

Ս․թ․ հունիսի 4-ին՝ ժամը 10։00-ին Երևանի պետական համալսարանում կմեկնարկի «Բնագիտությունը զվարճալի՜ է. տե՛ս, շոշափի՛ր, փորձի՛ր» ծրագիրը։

Ս․թ․ հունիսի 3-ին՝ ժամը 13։30-ին, ԵՊՀ աշխարհագրության և երկրաբանության ֆակուլտետում (419 լսարան) տեղի կունենա «Երկրաբանություն» մասնագիտության բակալավրիատի և մագիստրատուրայի ուսանողների ավարտական աշխատանքների և մագիստրոսական թեզերի պաշտպանության արդյունքում ընտրված լավագույն աշխատանքի համար դրամական պարգևատրման արարողություն։

Ս․թ․ հունիսի 3-ին՝ ժամը 11։00-ին, ԵՊՀ Սարգիս և Մարի Իզմիրլյանների անվան գրադարանում (503 սենյակ) Մասաչուսեթսի Սթոունհիլ քոլեջի քաղաքագիտության և միջազգային հարաբերությունների պատվավոր պրոֆեսոր Աննա Օհանյանը հանդես կգա «Ժողովրդավարության ապագաղութացումը Հարավային Կովկասում. մասնակցային քաղաքականության կայսերական արմատները Հայաստանում և Վրաստանում» թեմայով դասախոսությամբ։

Արդեն մեկ տարի է, ինչ գործում է ԵՊՀ նոր կայքէջը՝ ամբողջությամբ փոփոխված և համալրված։ ԵՊՀ կայքէջի աշխատանքը և կիրարկումը առավել հասանելի ու մատչելի դարձնելու նպատակով անցկացվում է հարցում կայքէջի տեխնիկական հարցերի և բովանդակության վերաբերյալ։

Ս․թ․ մայիսի 31-ին՝ ժամը 12։15-ին, ԵՊՀ Սարգիս և Մարի Իզմիրլյանների անվան գրադարանում (503 ընթերցասրահ) տեղի կունենա «Բուհ-կազմակերպություն համագործակցության խնդիրները և հեռանկարները» թեմայով հանդիպում-քննարկում։

Ս․թ․ մայիսի 31-ին՝ ժամը 11:00-ին, ԵՊՀ վրացագիտության կենտրոնում «Վարաչան քաղաքը և հոների թագավորությունը Արևելյան Կովկասում` հայկական աղբյուրների լույսի ներքո» թեմայով դասախոսությամբ հանդես կգա ՌԴ ԳԱ Հեռավոր Արևելքի դաշնային գիտահետազոտական կենտրոնի պատմության, հնագիտության և ազգագրության ինստիտուտի ավագ գիտաշխատող Շահբան Խապիզովը։

Ս․թ․ մայիսի 30-ին՝ ժամը 14:30-ին, ԵՊՀ ISTC ինովացիոն կենտրոնի կոնֆերանս դահլիճում (ԵՊՀ 7-րդ մասնաշենք, 6-րդ հարկ) կանցկացվի «ՀՀ բուհերի կարողությունների զարգացման կարիքի գնահատում» հետազոտության արդյունքների ներկայացում թեմայով քննարկում։

Ս․թ․ մայիսի 29-ին և 30-ին՝ ժամը 09։30-ին, ԵՊՀ Պալեանների անվան դահլիճում (ԵՊՀ 2-րդ մասնաշենք, 4-րդ հարկ, 401 սենյակ) տեղի կունենա «Ռեսուրսային ներուժի օգտագործման, տնտեսության զարգացման և տարածքային կազմակերպման ժամանակակից հիմնախնդիրները» թեմայով գիտաժողով։

Ս․թ․ մայիսի 30-ին՝ ժամը 14։00-ին, ԵՊՀ պատմության ֆակուլտետի ընթերցասրահում (318 լսարան) տեղի կունենա հանդիպում Տուրկուի համալսարանի (Ֆինլանդիա) փիլիսոփա և պատմության տեսաբան Կալլե Փիհլայնենի հետ։