Այս ծրագրի ավարտին ուսանողն ունակ կլինի․

1. Մասնագիտական գիտելիք և իմացություն
   1. Սահմանել ժամանակակից բնագիտության հիմնական սկզբունքները և հայեցակարգերը, բնապահպանական գլոբալ և լոկալ հիմնախնդիրները, ձևակերպել մաթեմատիկայի ընդհանուր դրույթները:
   2. Ներկայացնել քիմիական (անօրգանական և օրգանական) միացությունների կառուցվածքը, հատկությունները, անալիզի մեթոդները, դրանց թունաբանական ազդեցության, ինչպես նաև այդ նյութերի հետ աշխատելու անվտանգության կանոնները:
   3. Ներկայացնելու ֆիզիոլոգիայի և անատոմիայի հիմնական հիմունքները, նկարագրելու օրգանիզմի նյութափոխանակության հիմնական ուղիները, ինչպես նաև ախտաբանական պրոցեսների և ժառանգական հիվանդությունների առաջացման պատճառները ու հետազոտման նորագույն մեթոդները:
   4. Վերլուծելու և գնահատելու դեղերի ցուցումները, հակացուցումները, կողմնակի ազդեցությունները և դրանց կանխման ուղիները: Հասկանալ թե ինչպես է կատարվում դեղի և դեղաչափի ընտրությունը համաձայն ժամանակակից ռացիոնալ և թիրախային թերապիայի մոտեցումների: Նկարագրելու դեղերի դեղաբանական հատկությունները, կիրառման անհամատեղելիությունը և կենսամատչելիությունը, ներկայացնելու ֆարմակոկինետիկայի, ֆարմակոդինամիկայի, ֆարմակոգենետիկայի, կենսատեխնոլոգիայի և այլ հիմնահարցերը:
   5. Ձևակերպել դեղաբուսական հումքի ընտրման, մթերման, մշակման, նորմավորման և օգտագործման տեսական ու փորձարարական հիմունքները, լուսաբանել դեղերի դեղատնային և գործարանային արտադրության տեխնոլոգիական առանձնահատկությունները և սանիտարահիգենիկ նորմերը: Ձևակերպել դեղաբուսական հումքի ընտրման, մթերման, մշակման, նորմավորման և օգտագործման տեսական ու փորձարարական հիմունքները, լուսաբանել դեղերի դեղատնային և գործարանային արտադրության տեխնոլոգիական առանձնահատկությունները և սանիտարահիգենիկ նորմերը:
   6. Ներկայացնել դեղերի սինթեզի դեղագրքային անալիզի մեթոդները, որակի գնահատման և հսկման նորմերն ու պահանջները:
   7. Սահմանելու դեղերի շրջանառության տարբեր օղակներում դեղագործական գործունեություն ծավալելու և կազմակերպելու սկզբունքներն ու կառավարման հիմունքները:
2. Գործնական մասնագիտական կարողություններ
   1. Իրականացնել տարբեր բնույթի քիմիական միացությունների սինթեզներ և կառուցվածքային հետազոտություններ, կանխատեսել քիմիական փոխարկումների մեխանիզմները, նրանց թունաբանական ազդեցությունները և կանխարգելման ուղիները:
   2. Լուսաբանելու ժամանակակից կենսաբանության, բուսաբանության, կենսատեխնոլոգիայի և կենսաբժշկագիտության հիմունքները և նվաճումները, ինչպես նաև կիրառական ոլորտները: Ներկայացնելու օրգանիզմի և օրգան-համակարգերի կառուցվածքային առանձնահատկությունները և դրանց կարգավորման մեխանիզմները: Տարբերակել մանրէների հիմնական խմբերը և լուսաբանել դրանց դերը բնության մեջ ու մարդու կյանքում:
   3. Աշխատել դեղագործության ոլորոտում տեղեկատվական աղբյուրների և անընդհատ նորացվող դեղերի հետ, բացահայտել դրանց ֆարմակոկինետիկական և ֆարմակոգենետիկական առանձնահատկությունները:
   4. Ճանաչել, հավաքել, մշակել և պահպանել դեղաբուսահումքը, վերլուծել դեղերի դեղատնային և գործարանային արտադրության պահանջները, գործող տեխնոլոգիաների առավելություններն ու թերությունները, շրջակա միջավայրի պահպանման և արտադրության սանիտարահիգենիկ պայմանների ապահովման միջոցները:
   5. Իրականացնելու դեղատնային գործունեության կազմակերպման, դեղագործական լոգիստիկայի, դեղերի պահպանման և տեղափոխման, դեղատանը դեղերի և դեղանյութերի քանակական հաշվառման, դեղերի ներդեղատնային հսկման, դեղատոմսերի դեղագործական փորձաքննության, դեղատնից դեղերի բացթողման և դեղագործական հոգածության աշխատանքներ:
   6. Լուսաբանել դեղերի հիմնական դասերի ստացման եղանակները, ֆարմանալիզի ժամանակակից պահանջներն ու մոտեցումները, դեղերի կառուցվածքային առանձնահատկությունները, կանխատեսել դրանց կենսաբանական ակտիվությունը և դերը դեղաբանության մեջ, իրականացնել ակտիվ բաղադրիչների քանակական և որակական որոշում:
3. Ընդհանրական (փոխանցելի) կարողություններ
   1. Աշխատել թիմում, պատրաստելու զեկուցումներ և հաշվետվություններ, ընդհանրացնել հետազոտությունների արդյունքները, ինչպես նաև ակտիվորեն մասնակցել գիտաժողովներին, սեմինարներին և քննարկումներին:
   2. Օգտվել դեղագործությանը վերաբերվող տեղեկատվական տարբեր աղբյուրներից (ինտերնետ, էլեկտրոնային գրադարաններ, գովազդային նյութեր, տեղեկագրեր, գիտական հոդվածներ, հաշվետվություններ), վերլուծել նոր տեղեկատվությունները, հասկանալ ժամանակակից բժշկագիտական գրականության տվյալները և կիրառել այն գործնականում:
   3. Մայրենի և որևէ օտար լեզվով մասնագիտական բնույթի տեղեկատվություն քաղել տարբեր աղբյուրներից, ինչպես նաև իրականացնել մասնագիտական բնույթի հաղորդակցում:
   4. Պահպանել մասնագիտական էթիկայի նորմերը դեղագործության ոլորտի տարբեր գործառույթների իրականացման ժամանակ:
   5. Տեղեկացնել սպառողներին դեղերի հիմնական բնութագրերի և որոշակի խմբին պատկանելիության մասին, համաձայն դեղերի միջազգային համակարգերի պահանջների: