Դիսկրետ մաթեմատիկայի և տեսական ինֆորմատիկայի ամբիոն

Դիսկրետ մաթեմատիկայի և տեսական ինֆորմատիկայի ամբիոն

Դիսկրետ մաթեմատիկայի և տեսական ինֆորմատիկայի ամբիոնը կազմավորել է 2006 թ. Դիսկրետ մաթեմատիկայի և Ինֆորմատիկայի հանրահաշվատրամաբանական մեթոդների ամբիոնների հիմքի վրա։

Ամբիոնի կայացման և գիտական հետաքրքրությունների շրջանակի ձևավորման գործում մեծ ներդրում ունեն վաստակաշատ գիտնականներ Ի․ Զասլավսկին, Հ․ Մարանջյանը, Ս․ Մարկոսյանը։

Ամբիոնում աշխատում են հանրապետությունում ճանաչված և բարձրակարգ մասնագետներ, որոնք տարբեր տարիների ներգրավված են եղել և այժմ էլ ներգրավված են դրամաշնորհային ծրագրերում, հեղինակել են ուսումնամեթոդական ձեռնարկներ, բուհական դասագրքեր, գիտական հոդվածներ՝ տպագրված հեղինակավոր գիտական պարբերականներում։

2020 թվականից Դիսկրետ մաթեմատիկայի և տեսական ինֆորմատիկայի ամբիոնի վարիչն է ֆ.մ.գ.թ., դոցենտ Պետրոս Պետրոսյանը։

Ամբիոնի հիմնական գիտական ուղղություններն են՝

• դիսկրետ մաթեմատիկա,
• դիսկրետ էքստրեմալ խնդիրներ,
• կիրառական հանրահաշիվ,
• գրաֆների տեսություն,
• գերմեծ ինտեգրալ սխեմաների նախագծում,
• Բուլյան ֆունկցիաների տեսություն,
• հանրահաշվային կոդավորման տեսություն,
• ալգորիթմների տեսություն,
• մաթեմատիկական տրամաբանություն,
• բարդության տեսություն,
• մոտավոր ալգորիթմներ,
• գործողությունների հետազոտում,
• կրիպտոգրաֆիա և այլն։

Ամբիոնն իրականացնում է «Դիսկրետ մաթեմատիկա և տեսական ինֆորմատիկա» մագիստրոսական կրթական ծրագիրը։