Աստվածաբանության և հայ եկեղեցու պատմության ամբիոն

Աստվածաբանության ամբիոնը հիմնադրվել է 1995 թ.։ Այն կազմակերպում է մասնագիտական դասընթացների դասավանդումը չորս հիմնական ուղղություններով՝

• Աստվածաշնչի (Հին Կտակարանի և Նոր Կտակարանի) ներածություն և մեկնություն,
• տեսական աստվածաբանություն (վարդապետական աստվածաբանություն, հայրաբանություն, հայ աստվածաբանական մատենագրություն),
• պատմական աստվածաբանություն (ընդհանուր եկեղեցական պատմություն, հայ եկեղեցու պատմություն, կրոնների պատմություն),
• գործնական աստվածաբանություն (տոմարագիտություն, բարոյական աստվածաբանություն, ծիսագիտություն)։

ԵՊՀ աստվածաբանության ամբիոնի պրոֆեսորադասախոսական կազմում գիտական տարբեր աստիճաններ և միջազգային ճանաչում ունեցող մասնագետներ են, որոնք ծավալում են գիտամանկավարժական ակտիվ գործունեություն։ Ամբիոնի վարիչն է փիլիսոփայական գիտությունների դոկտոր Հակոբ Քյոսեյանը։

Աստվածաբանության ամբիոնն ուսանողներին հնարավորություն է ընձեռում խորացնելու մասնագիտական գիտելիքները՝ այցելելով Հայաստանի բազմաթիվ սրբազան վայրեր, մասնակցելով տոնածիսական տարբեր արարողությունների։

Ամբիոնն իրականացնում է «Աստվածաբանություն» բակալավրիատական և «Վարդապետական աստվածաբանություն» մագիստրոսական կրթական ծրագրերը։