Февраля 17, 2021 | 15:42
Կրթություն

ՄԱՆՐԷԱԲԱՆԱԿԱՆ ԿԵՆՍԱՏԵԽՆՈԼՈԳԻԱՆԵՐԻ ԵՎ ԿԵՆՍԱՎԱՌԵԼԻՔԻ ՆՈՐԱՐԱՐԱԿԱՆ ԿԵՆՏՐՈՆՈՒՄ ԱՇԱԿԵՐՏՆԵՐԸ ՀԵՏԵՎԵԼ ԵՆ ԳԻՏԱՓՈՐՁԵՐԻՆ

ԵՊՀ մինչհամալսարանական կրթության վարչությունը վերսկսել է մասնագիտական կողմնորոշման նպատակով այցելություններ կազմակերպել ապագա դիմորդների համար:
pupils-at-YSU-1613562140

Այս նախաձեռնության շրջանակում այսօր Կենսաբանության ֆակուլտետ էին այցելել «Հերացի» ավագ դպրոցի 11-րդ դասարանի աշակերտները:
Նրանք հյուրընկալվեցին ֆակուլտետի մանրէաբանական կենսատեխնոլոգիաների և կենսավառելիքի նորարարական կենտրոնում, ծանոթացան սարքավորումներին ու իրականացվող գիտափորձերին, ստացան իրենց հուզող հարցերի պատասխանները։


Կենտրոնի կրտսեր գիտաշխատող Սաթենիկ Միրզոյանն աշակերտներին բացատրեց, թե ինչպես կարելի է գեներացնել կաթնամթերքի և խոհանոցային (միրգ, բանջարեղեն, սուրճ, թեյ) թափոնները, ապա վերամշակելով դրանք՝ ստանալ կենսազանգված, կենսավառելիք։ Տեսական մասից հետո նա ցուցադրեց մի քանի գիտափորձ։


Մեզ հետ զրույցում աշակերտներն ասացին, որ նմանատիպ այցերը շատ կարևոր են մասնագիտական կողմնորոշման առումով, ապա հավելեցին, որ եկել են Երևանի լավագույն լաբորատորիա՝ գիտափորձերին հետևելու համար։

FacebookTelegram
Адрес: Республика Армения, г. Ереван, 0025, Алека Манукяна, 1 (+37460) 710000 info@ysu.am