Սիրելի՛ ուսանողներ,
ԵՊՀ Շառլ Ազնավուրի անվան մշակույթի կենտրոնը հայտարարում է «ԵՊՀ 105» խորագրով իմպրովիզացիոն էտյուդի մրցույթ՝ նվիրված ԵՊՀ 105-ամյակին, որը տեղի կունենա ս․թ․ մայիսի 16-ին՝ ժամը 13:00-17:00-ն, ԵՊՀ բակում:
Մրցույթի ժամանակ տեղում կտրվի իրավիճակային պատմություն, որի իմպրովիզացիան մրցույթի մասնակիցը պետք է ցուցադրի բեմին։ Անհրաժեշտության դեպքում «Համալսարանական» թատրոն-ստուդիայի սաները կցուցաբերեն մասնագիտական աջակցություն:
Մասնակցության համար անհրաժեշտ է՝
- նախապես գրանցվել մրցույթին (նշել անուն-ազգանուն, ֆակուլտետ, կուրս, հեռախոսահամար, էլհասցե, ներկայացնել անձնական լուսանկար)։
Մրցանակաբաշխությունը տեղի կունենա նույն օրը՝ ժամը 19:00-ին՝ տոնական համերգի ժամանակ․ հաղթողը կստանա հավաստագիր և նվերներ:
Մրցույթի գրանցման վերջնաժամկետը ս․թ․ մայիսի 5-ն է:
Հարցերի դեպքում և հավելյալ տեղեկություններ ստանալու համար դիմել ԵՊՀ Շառլ Ազնավուրի անվան մշակույթի կենտրոն (ԵՊՀ կենտրոնական մասնաշենք, 6-րդ հարկ, 603 սենյակ):
Հեռ.՝ (+374 60) 710 183, (+374 60) 710 184, (+374 55) 571 405
Էլհասցե՝ culturecenter@ysu.am
