«Էրազմուս+» ծրագրի միջազգային կրեդիտային շարժունություն․ Լիսաբոնի համալսարանի բանասիրության ֆակուլտետ, Պորտուգալիա

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Լիսաբոնի համալսարանի (Պորտուգալիա) բանասիրության ֆակուլտետի միջև կնքված պայմանագրով նախատեսվում է շարժունություն պրոֆեսորադասախոսական կազմի (հիմնական աշխատակիցների) համար` 2024/2025 ուստարում 1 շաբաթ ժամկետով 8 ժամ դասախոսություն կարդալու համար:

Աշխատանքային լեզուն պորտուգալերեն/իսպաներեն/անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է
ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։ 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am): 

Դիմումների ընդունման վերջնաժամկետն է ս․թ. հունիսի 10՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն,

2. ինքնակենսագրական (CV) «Europass» ձևաչափով,

3. տեղեկանք ԵՊՀ-ում աշխատելու վերաբերյալ, 

4. շարժունության համաձայնագիր (Mobility Agreement),

5. ընդունող բուհից նախնական համաձայնություն (ֆակուլտետի կոնտակտային անձ՝ պրոֆ․ Գիորգի
Ղրիստովսկի, ghristovsky@campus.ul.pt)։