«Բազմա­լեզու և բազմամշակույթ կրթություն. քաղաքա­կանություն և հմտություններ». գիտաժողով ԵՊՀ-ում

Ս.թ. մայիսի 24-25-ը Եվրոպական լեզուների և հաղորդակցության ֆակուլտետի միջմշակութային հաղորդակցության ամբիոնի և «MultiLingNet» միջազգային ասոցիացիայի համագործակցության շրջանակում ԵՊՀ-ում կանցկացվի միջազգային գիտաժողով՝ «Բազմա­լեզու և բազմամշակույթ կրթություն. քաղաքա­կանություն և հմտություններ» («International Conference on Multilingual and Multicultural Learning: Policies and Practices») խորագրով:

Գիտաժողովին կմասնակցեն արտասահմանյան առաջատար բուհերի և գիտական հաստատությունների շուրջ 30 մասնագետներ: Որպես հիմնական բանախոսներ զեկու­ցումներով հանդես կգան եվրոպական ակա­դեմիական շրջանակներում մեծ հեղինակություն վայելող լեզվաբաններ Լոնդոնի համալսարանական քոլեջից և Օսլոյի համալսարանից: