Իսկ դու գիտե՞ս

Խաղը բաղկացած էր 3 փուլից որոնք ներառում էին թե՛  իմացական, և թե՛ տրամաբանական հարցեր: Առաջին փուլում ուսանողներին տրվեց 20  հարց՝ յուրաքանչյուր հարցին 1 րոպե ժամանակ, հարցերը հիմնականում իմացական էին: Երկրորդ փուլի ընթացքում մասնակիցներին տրվեց 10 հարց նույնպես 1 րոպե տևողությամբ: Երկրորդ փուլի  հարցերը տրամաբանական էին,մասնակիցներից պահանջվեց ուշադրություն և ճկուն միտք։ Երրորդ փուլը կազմված էր հայտնի և մեծ հռչակ վայելող մարդկանց նկարներից։

Խաղին մասնակցեցին ուսանողներ՝ ֆակուլտետի տարբեր բաժիններից։

Խաղի ողջ ընթացքում մեծ ակտիվություն դրսևորեց «Գեո» թիմն,որը խաղի ավարտին սպասելի հաղթանակ տոնեց:

Հաղթող թիմի ուսանողները Սերվիսի ամբիոնի, Կայուն զբոսաշրջություն մասնագիտացման  ուսանողներն էին, որոնք որպես մրցանակ ստացան հիշողության կրիչներ:

Ֆակուլտետի ՈՒԳԸ-ն հաճախակի է ձեռնամուխ լինում նմանատիպ միջոցառումների  իրականացմանը։ Ինտելեկտուալ խաղերը նպաստում են ֆակուլտետի ուսանողների գիտելիքների պաշարի լրացմանը,ստեղծում են ինտելեկտուալ հարթակ սեփական ուժերը փորձելու և ինքնադրսևորման համար։

Հեղինակ՝ Լիլիթ Զաքարյան