Meeting with representatives of "Align Technology" company

Ս.թ. նոյեմբերի 7-ին՝ ժամը 14:30-ին, ԵՊՀ գրադարանի 503 ընթերցասրահում Շրջանավարտների և կարիերայի կենտրոնի և «Align Technology» բժշկական սարքերի համաշխարհային ընկերության համագործակցության շրջանակում ԵՊՀ ուսանողների համար կանցկացվի  հանդիպում ընկերության ներկայացուցիչների հետ։

Հանդիպման ընթացքում կանցկացվի ֆլեշ-մենթորական «Ինչպե՞ս կառուցել ձեր կարիերան ՏՏ ոլորտում» թեմայով դասընթաց: «Align Technology» ընկերության մասնագետները կներկայացնեն ՏՏ ոլորտում կարիերա կառուցելու ուղիների լավագույն փորձը և գիտելիքները, կխոսեն կարիերայի հնարավոր ուղիների և ՏՏ ընկերությունում հարցազրույցի գործընթացի վերաբերյալ:

Դասընթացը կվարի ընկերության HR տնօրեն Նատալյա Սուվորովան։

Հանդիպման ընթացքում կքննարկվեն հետևյալ թեմաները՝

• «Align Technology»-ն՝ որպես գործատու,

• ընկերության հետազոտության և զարգացման (R&D) կենտրոնը Հայաստանում,

• պրակտիկայի հնարավորություն «Align Technology»-ում,

• հնարավոր ուղիներ ՏՏ ոլորտում և արդյունավետ կարիերայի պլանավորման մեջ,

• ինչպե՞ս պատրաստվել հարցազրույցին և բանակցել աշխատանքի առաջարկի շուրջ,

• ի՞նչ է անհրաժեշտ ՏՏ ոլորտում հաջողակ լինելու համար։