Summarizing event

Ս․թ․ նոյեմբերի 24-ին՝ ժամը 17։00-ին, Հայաստանի ազգային պատկերասրահում տեղի կունենա ԵՊՀ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական ծրագրի ուսանողներին «Ձեռնարկությունների ինկուբատոր» հիմնադրամի կողմից՝ «PMI Science»-ի աջակցությամբ տրամադրվող ֆինանսավորման 2023 թ. ծրագրի ամփոփիչ միջոցառումը։

Միջոցառմանը ներկա կլինեն ԵՊՀ ռեկտոր Հովհաննես Հովհաննիսյանը, Տնտեսագիտության և կառավարման ֆակուլտետի դեկան Կառլեն Խաչատրյանը, փոխդեկաններ, ծրագրի ղեկավարներ, ֆակուլտետի դասախոսներ, ուսանողներ, ինչպես նաև «Ձեռնարկությունների ինկուբատոր» հիմնադրամի, «ISTC» կենտրոնի, «PMI Science»-ի ղեկավարները և ներկայացուցիչները։