Նոյեմբերի 29-ին ԵՊՀ մանկավարժության և կրթության զարգացման կենտրոնի (ՄԿԶԿ) և Երևանի «Վարդանանք» կրթահամալիրի միջև կնքվեց համագործակցության հուշագիր։
Հուշագիրը ստորագրեցին Մանկավարժության և կրթության զարգացման կենտրոնի տնօրեն Նազիկ Հարությունյանը և «Վարդանանք» կրթահամալիրի տնօրեն Շուշանիկ Զաքարյանը։
Կողմերը պատրաստակամություն հայտնեցին աջակցելու միմյանց և փոխշահավետ ծրագրերով համագործակցելու ի նպաստ ՄԿԶԿ ուսանողների, մագիստրանտների, շրջանավարտների, ասպիրանտների, հայցորդների մասնագիտական առաջընթացի, ինչպես նաև որակյալ մասնագետներով գործատու կազմակերպությունը համալրելուն։
Մանկավարժության և կրթության զարգացման կենտրոնի տնօրեն, պրոֆեսոր Ն․Հարությունյանը կարևորեց հուշագրին նախորդած արդյունավետ համագործակցությունը՝ նշելով, որ այն է՛լ ավելի նպատակամետ է լինելու հետայսու։ Կողմերը հանդես եկան համագործակցության վերաբերյալ առաջարկներով։
Հուշագրի շրջանակում կկազմակերպվեն կոնֆերանսներ, սեմինարներ, մասնագիտական և մանկավարժական պրակտիկա, կլոր սեղան-քննարկումներ, խորհրդակցություններ և այլ միջոցառումներ, կիրականացվի տեղեկատվության փոխանակում։
Միջոցառմանը մասնակցում էին ՄԿԶԿ պրոֆեսորադասախոսական կազմը, «Վարդանանք» կրթահամալիրի տնօրենն ու մանկավարժներ։
