ԱՆՑԿԱՑՎԵՑ «SCOPUS» («ՍԿՈՊՈՒՍ») ԳԻՏԱԿԱՆ ՇՏԵՄԱՐԱՆԻ ԱՌԱՆՁՆԱՀԱՏԿՈՒԹՅՈՒՆՆԵՐԻ ՎԵՐԱԲԵՐՅԱԼ ՎԵԲԻՆԱՐՆԵՐԻ ՇԱՐՔ

Առցանց սեմինար-քննարկումների ընթացքում մասնակիցները ծանոթանացան «Scopus» գիտական շտեմարանի առանձնահատկություններին:

Եռօրյա քննարկումներն ունեին հետևյալ խորագրերը.

««Scopus» գիտատեխնիկական և բժշկական տեղեկատվության խոշորագույն ռեֆերատիվ բազան աշխարհում»,

«Վեբինար՝ հոդվածների հեղինակների համար. «Scopus»-ի օգնությամբ գրականության որոնում, ամսագրերի ընտրություն և գնահատում»,

««Scopus» հաշվետվության նախապատրաստում՝ գիտական արդյունքների հիման վրա»:

ԵՊՀ գիտական քաղաքականության վարչության ղեկավար Երանուհի Մանուկյանը նշեց. «ԵՊՆ-ն ներկայում մեծ ուշադրություն է դարձնում միջազգային հրապարակումներին, այդ իսկ պատճառով բաժանորդագրվել է «Elsevier»-ին: Այս վեբինարների ընթացքում հետազոտողները զարգացրին միջազգային շտեմարաններից, ռեսուրսներից, փաստաթղթերից օգտվելու իրենց հմտությունները»:

Ռուսաստանում և Արևելյան Եվրոպայում «Elsevier»-ի գործընկերային ծրագրերի ղեկավար, բ.գ.թ. Անդրեյ Սերգեյի Միխայլովն ընդգծեց. «Այս վեբինարը վերաբերում է «Scopus»-ի օգտագործմամբ անցկացվող հետազոտության գնահատմանն ու հաշվետվություններին: Վեբինարի ընթացքում սովորեցինք «Elsevier»-ի պրոֆեսիոնալ լուծումների արդյունավետ օգտագործումը՝ ակադեմիական աշխատանքի համար: Այս գիտելիքները թույլ կտան հետագայում արդյունավետ աշխատել գիտական, տեխնիկական և բժշկական տեղեկատվության հետ»: