«Հ. Հովնանյան» ընտանեկան հիմնադրամը «Անհատական դրամաշնորհներ» (Fellowships) ծրագրի շրջանակում հովանավորում է միջազգային հեղինակավոր հարթակներում (մասնագիտական համաժողովներ, գիտաժողովներ, միջազգային մրցույթներ, փառատոներ, ցուցահանդեսներ և այլն) Հայաստանն իրենց աշխատանքների միջոցով ներկայացնող անհատներին։
Այս ծրագրով համալսարանի ուսանողներին և շրջանավարտներին հնարավորություն է ընձեռվում միջազգային հարթակներում ներկայանալու, գործակցային կապեր հաստատելու և փորձի փոխանակման համար։
Ծրագրով նախատեսվում է միջազգային հարթակում ներկայանալու համար անհրաժեշտ հետևյալ ծախսերի ֆինանսավորումը՝
- մասնակցության վճար,
- ավիատոմսերի գումար,
- հյուրանոցի ծախսեր,
- սննդի և տրանսպորտի գումար:
Ծրագրին դիմելու համար անհրաժեշտ դիմումի ձևը պետք է լրացնել և անհրաժեշտ փաստաթղթերի հետ միասին ուղարկել info@hovnanianfoundation.org էլհասցեին։
Դիմելու համար վերջնաժամկետ սահմանված չէ. ծրագիրը գործում է ողջ տարվա ընթացքում։
Ստորև՝ նախորդ տարիների դրամաշնորհառուների մասին հակիրճ տեղեկություններ:
- Դաշնակահար Զարուհի Քարամիջյանը ներկայացավ Նյու Յորքի «Քարնեգի հոլ» համերգասրահում: Մանրամասները՝ այստեղ։
- «ՕնՕֆֆ» անիմացիոն ստուդիայի տաղանդավոր երկու անդամներ՝ Լուսինեն և Գոռը, մասնակցեցին անիմացիոն ֆիլմերի միջազգային փառատոնին Ֆրանսիայի Անսի քաղաքում՝ ներկայանալով հայկական տաղավարում: Մանրամասները՝ այստեղ։
