«Էրազմուս+» միջազգային կրեդիտային շարժունության գործողություն Երևանի պետական համալսարանի և Բուրգունդիայի Ֆրանշ-Կոնտե (Ֆրանսիա) համալսարանի միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Բուրգունդիայի Ֆրանշ-Կոնտե (Ֆրանսիա) համալսարանի միջև կնքված պայմանագրով նախատեսվում են շարժունություններ Կենսաբանության ֆակուլտետի, Ֆիզիկայի ինստիտուտի մագիստրատուրայի ուսանողների և ասպիրանտների համար` 2024/2025 ուստարվա 1-ին կիսամյակում ուսանելու (ասպիրանտների համար՝ հետազոտական աշխատանքներ կատարելու) նպատակով:

Անգլերենի/ֆրանսերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը: 

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» ազգային գործակալության կայքէջում։

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում անհրաժեշտ է նշել Erasmus+, Franche-comté):

Դիմումների ընդունման վերջնաժամկետն է ս․թ. ապրիլի 10-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով)՝

1. անձնագրի պատճեն,

2. ինքնակենսագրական (CV) «Europass» ձևաչափով, 

3. մոտիվացիոն նամակ,

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies),

7. անգլերենի/ֆրանսերենի իմացությունը հաստատող վկայական։

Անգլերենով անցկացվող դասընթացների ցանկը՝ այստեղ։