Շարժունություններ Երևանի պետական և Յենայի Ֆրիդրիխ Շիլլերի անվան համալսարանների միջև

Միջբուհական համագործակցության շրջանակում Երևանի պետական համալսարանի և Յենայի Ֆրիդրիխ Շիլլերի անվան համալսարանի (Գերմանիա) միջև կնքված պայմանագրով նախատեսվում են  շարժունություններ Եվրոպական լեզուների և հաղորդակցության (մասնավորապես՝ «Գերմաներենը՝ որպես օտար լեզու» մասնագիտությամբ), Մաթեմատիկայի և մեխանիկայի, Կիրառական մաթեմատիկայի և ինֆորմատիկայի, Ռուս բանասիրության, Պատմության (մասնավորապես՝ «Կովկասագիտություն» մասնագիտությամբ), Միջազգային հարաբերությունների (մասնավորապես՝ «Քաղաքագիտություն» մասնագիտությամբ), Կենսաբանության (մասնավորապես՝ «Մարդու գենետիկա» մասնագիտությամբ) ֆակուլտետների բակալավրիատի և մագիստրատուրայի (4 ամիս ժամկետով), ինչպես նաև ասպիրանտուրայի (1-3 ամիս ժամկետով) ուսանողների համար՝ 2024/2025 ուստարվա 1-ին կիսամյակում ուսանելու նպատակով:

Բակալավրիատի ուսանողների համար գերմաներենի՝ առնվազն B2 մակարդակի իմացությունը պարտադիր է: 

Մագիստրատուրայի և ասպիրանտուրայի ուսանողների համար գերմաներենի  և/կամ անգլերենի՝  առնվազն B2 մակարդակի իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ՝  ամսական 1200 եվրոյի չափով: Ճանապարհածախսը հոգում է ուսանողը:

Մանրամասները՝ https://www.uni-jena.de/en:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս․թ. ապրիլի 21-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն,

2. ինքնակենսագրական (CV) «Europass» ձևաչափով,

3. մոտիվացիոն նամակ,

4. ակադեմիական տեղեկագիր

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր,

7. գերմաներենի/անգլերենի իմացությունը հաստատող վկայական,

8. հետազոտական աշխատանքի համառոտ նկարագիր/պլան (research plan) (ասպիրանտների/հայցորդների համար),

9. նախնական հրավեր-նամակ ընդունող կողմից (pre-acceptance letter) (ասպիրանտների/հայցորդների համար):

Գերմաներենով/անգլերենով դասընթացներին հնարավոր է ծանոթանալ՝ անցնելով հետևյալ հղումով՝  https://www.uni-jena.de/en/study-programme։