ՊՐԱՀԱՅԻ ԿԱՐԼԻ ՀԱՄԱԼՍԱՐԱՆԻ ՌԵԿՏՈՐ ԹՈՄԱՍ ԶԻՄԱՆԻ ԵԼՈՒՅԹԸ՝ ՆՎԻՐՎԱԾ ՀԱՐՅՈՒՐԱՄՅԱ ԵՊՀ-ԻՆ

Թոմաս Զիման նշեց, որ իր համար մեծագույն պատիվ է ԵՊՀ հիմնադրման հարյուրամյակի տոնակատարությանը մասնակցելը:

«Առաջին աշխարհամարտից հետո, երբ երկիրը դեռ կատարվածից ուշքի չէր գալիս,- ասաց Թոմաս Զիման,-կառավարությունը որոշեց հիմնել համալսարան՝ հակառակ խիստ սահմանափակ հնարավորությունների և դժվարությունների»:

Վերջինս առանձնահատուկ շեշտեց այն փաստը, որ չնայած համալսարանն իր գործունեությունը սկսել է ծանր պայմաններում, բայց տարիների ընթացքում կարողացել է ավելացնել ուսանողների և ֆակուլտետների թիվը, բացել նոր գիտահետազոտական կենտրոններ և ինստիտուտներ:

«Օգտվելով առիթից՝ ցանկանում եմ ևս մեկ անգամ շնորհավորել բուհի հարյուրամյակը, մաղթել տաղանդավոր ուսանողներ, գերազանց դասախոսական կազմ և ամենայն բարիք հաջորդ տարիների ընթացքում»,- եզրափակելով խոսքը՝ ասաց Թոմաս Զիման:

Անի Պողոսյան