Educational programme specification

Type:

Bachelor

Speciality:

071403.03.6 - Ռադիոտեխնիկա և կապ

Specialisation:

071403.03.6 - Հեռահաղորդակցություն և ազդանշանների մշակում

Qualification awarded:

ճարտարագիտության բակալավր

Programme academic year:

2023/2024

Mode of study:

Full time

Language of study:

Հայերեն

1. Admission criteria/requirements

Ընդունելությունը կատարվում է ըստ «ՀՀ պետական և ոչ պետական բարձրագույն ուսումնական հաստատություններ ընդունելության (ըստ բակալավրի ու անընդհատ և ինտեգրված կրթական ծրագրի) կարգի»։
Ընդունելության քննությունների ցանկը՝ ըստ առարկաների
1. Մաթեմատիկա
2. Ֆիզիկա

2. Programme Objectives

· պատրաստել հեռահաղորդակցության և ազդանշանների մշակման բնագավառներում որակյալ կադրեր՝ ինժեներ-հետազոտողեր,
ուսանողներին հաղորդել հեռահաղորդակցության և ազդանշանների մշակման ոլորտին վերաբերող հիմնարար գիտելիքներ: v

3. Educational outcomes of the programme

Այս ծրագրի ավարտին ուսանողն ունակ կլինի․

Մասնագիտական գիտելիք և իմացություն
1. նկարագրելու հեռահաղորդակցության և ազդանշանների մշակման ոլորտին վերաբերող ֆիզիկական երևույթները, պրոցեսները.
2. ներկայացնելու և վերլուծելու ժամանակակից հեռահաղորդակցական համակարգերում կիրառվող ռադիոտեխնիկական (անալոգային/թվային) լուծումները և սխեմաները.
3. լուսաբանելու անլար (օր.՝ բջջային) և լարային (օր.՝ օպտիկամալուխային) կապի համակարգերում առկա հիմնախնդիրները, ուղենշելու դրանց լուծման եղանակները.
4. ներկայացնելու տվյալների փոխանցման ժամանակակից համակարգերի կառուցման սկզբունքները համակարգչային ցանցերի կառուցման, շահագործման և կառավարման գործընթացներում.
5. պարզաբանելու ինֆորմացիայի տեսության տարրերը և դասակարգելու աղմկակայուն կոդավորման եղանակները.
6. ներկայացնելու հեռահաղորդակցության ոլորտում առավել հաճախ հանդիպող ազդանշանների վիճակագրական և թվային մշակման արդի մեթոդները.
Գործնական մասնագիտական կարողություններ
1. կիրառելու հեռահաղորդակացության և ազդանշանների մշակման ոլորտին անհրաժեշտ մաթեմատիկական գործիքակազմը.
2. Բ1. աշխատելու արտադրության ու անվտանգության ոլորտներում կիրառվող ժամանակակից հեռահաղորդակցական հանգույցների և ռադիոֆիզիկական սարքերի հետ.
3. կառավարելու և վերահսկելու ժամանակակից թվային հեռահաղորդակցական կապի համակարգերը.
4. կիրառելու ժամանակակից ծրագրավորման լեզուներ (օր.՝ C++, Phyton, Verilog, VHDL) և ծրագրային փաթեթներ (օր.՝ MATLAB & Simulink, LabVIEW, Multisim, COMSOL Multiphysics) հեռահաղորդակցական համակարգեր նախագծելիս.
5. օգտագործելու էլեկտրամագնիսական ալիքների տարածման առանձնահատկությունները ռադիո տիրույթում, բարելավելու ռադիոընդունիչների, ճառագայթիչների հիմնական պարամետրերը հեռահաղորդակցական համակարգերի առանձին հանգույցներում.
6. պլանավորելու և իրականացնելու տեսական և փորձարարական հետազոտություններ.
7. հաշվարկելու հեռահաղորդակցական համակարգերի հաղորդիչ/ընդունիչ հանգույցների հիմնական բնութագրերը.
Ընդհանրական (փոխանցելի) կարողություններ
1. օգտվելու մասնագիտական ոլորտի տեղեկատվության աղբյուրներից, վերլուծելու և դասակարգելու տեղեկատվությունն ըստ առաջնահերթության.
2. կիրառելու ստացված հասարակական գիտելիքները մասնագիտական աշխատանքի, կառավարման և հասարակական գործունեության ընթացքում.
3. ներգրավվելու հետազոտական խմբերում և աշխատելու ոլորտին առնչվող կազմակերպություններում՝ պահպանելով մասնագիտական էթիկայի նորմերը.
4. գնահատելու մասնագիտական գիտելիքի կիրառման հնարավորությունները տնտեսության տարբեր ոլորտներում:

4. Assessment methods

Ելենլով կրթական ծրագրի ուսումնական պլանով նախատեսված դսընթացների աշխատածավալից, դասավանդման ձևից և մեթոդներից, ինչպես նաև հաշվի առնելով դասընթացի կարևորության աստիճանը կրթական ծրագրի վերջնարդյունքների ձևավորման մեջ՝ դասընթացներն ըստ գնահատման ձևի տարանջատվում են 4 տեսակի՝
ա. եզրափակիչ գնահատումով,
բ. առանց եզրափակիչ գնահատման
գ. առանց ընթացիկ քննությունների գնահատման,
դ. ստուգարքային։
Տվյալ դասընթացի գնահատման բաղադրիչները և հատկացվող միավորներն ընտրում է դասավանդող դասախոսը և հաստատում ամբինը (կրթական ծրագրի ղեկավարը)։
Ծրագրի ավարտին ուսանողները պաշտպանության են ներկայացնում ավարտական աշխատանք։

5. Graduates future career opportunities

Շրջանավարտները կարող են աշխատել տեղեկատվության մշակման և հաղորդման, տեխնոլոգիաների նախագծման, ավտոմատացման, շահագործման, տեղեկատվության անվտանգության ոլորտներին առնչվող ձեռնարկություններում /U-com, Team Telecom, Viva Cell MTS, National Instruments և ՀՀ ՏՏ ոլորտի այլ ձեռնարկություններում և այդ ոլորտի արտասահմանյան ձեռնարկությունների մասնաճյուղերում/, բանկային համակարգում: Համապատասխան վերապատրաստում անցնելուց հետո՝ տեղեկատվության անվտանգություն պահանջող ընկերություններում (բանկային համակարգ, առցանց ծառայություններ մատուցող կազմակերպություններ և այլն): ՀՀ ԳԱԱ ռադիոֆիզիկայի և էլեկտրոնիկայի, կապի, ֆիզիկական հետազոտությունների ինստիտուտներում:

6. Resources and forms to support learning

Ուսանողներին հասանելի դասագրքեր, ուսումնական ձեռնարկներ, էլեկտրոնային դասախոսություններ, համացանցային նյութեր: Ամբիոնում գործում է հեռահաղորդակցության ուսումնական լաբորատորիա, որի շրջանակներում ուսանողները հնարավորություն ունեն ձեռք բերելու պրակտիկ հմտություններ ինչպես միկրոալիքային, այնպես էլ օպտիկական տիրույթի կապի համակարգերի վերաբերյալ: «Հեռահաղորդակցություն և ազդանշանների մշակում» ծրագրի շրջանակներում սովորող ուսանողները հնարավորություն ունեն ձեռք բերելու պրակտիկ հմտություններ UCOM, Team Telecom, MTS, National Instruments և այլ ընկերություններում, ինչն էլ ավելի մրցունակ կդարձնի իրենց աշխատաշուկայում:

7. Educational standards or programme benchmarks used for programme development

Ծրագիրը մշակելիս հիմք են ընդունվել ՀՀ որակավորումների ազգային շրջանակի 6-րդ աստիճանի համար ներկայացված բնութագրիչները, ԵՊՀ որակի ապահովման կենտրորնի կողմից պատրաստված «ԵՊՀ կրթական ծրագրերի մշակման ղեկավար ձեռնարկ»-ը, «Կրթական ծրագրերի մասնագրի և դասընթացների նկարագրիչների լրացման ուղոցույց»-ը և այլ նյութեր։
Ծրագիրը համեմատվել է արտասահմանյան մի շարք համալսարանների նմանատիպ կրթական ծրագրերի (Massachusetts Institute of Technology (MIT) , King's College London, Белорусский государственный университет (БГУ) և այլն) հետ:

8. Requirements for the academic staff

· առարկայական ուսումնական պլանին համահունչ դասընթացի ծրագիր կազմելու հմտություն,
· տվյալ առարկայի առանձնահատկությամբ պայմանավորված դասավանդման մեթոդիկայի և ինտերակտիվ մեթոդների իմացություն,
· ուսանողների հետազոտական աշխատանքների ղեկավարման կարողություն։

Հետազոտական
· տարաբնույթ գիտական աղբյուրների հետ աշխատելու, ինչպես նաև համացանցային տեղեկատվական ռեսուրսներից օգտվելու հմտություն,
· մասնագիտական հետազոտությունների իրականացման հմտություն։
Հաղորդակցման
· լսարանի հետ գրավոր և բանավոր հաղորդակցվելու հմտություն,
· հետազոտության արդյունքները գրավոր շարադրելու կարողություն,
· բազային և մասնագիտական համակարգչային ծրագրերի (Word, Excel, Power-Point, MatLab, Labview, Comsol և այլն) կիրառման հմտություններ,
· ժամանակակից գիտական շտեմարաններից (web of science, Scopus և այլն) օգտվելու հմտություն։

Մասնագիտական կարողություններ
· Գիտատեխնիկական միջազգային զարգացումների և տեղեկատվության մասնագիտական վերլուծության և գնահատման կարողություն,
· հրապարակային և հանրամատչելի ելույթներ պատրաստելու և իրականացնելու կարողություն,
· մասնագիտության իմիջի ձևավորման ռազմավարություն մշակելու և իրականացնելու կարողություն,
· մասնագիտության նկատմամբ հետաքրքրություն ցուցաբերողների շրջանում թիրախային խմբեր առանձնացնելու և դրանց հետ աշխատելու կարողություն,
· մասնագիտական դասընթացների դասավանդման և/կամ վերապատրաստումներ իրականացնելու փորձ։

Այլ կարողություններ
հասարակական հարաբերությունները կարգավորող մասնագիտական էթիկայի և իրավական նորմերի իմացություն։

Telecommunications and Signal Processing

Bachelor's degree programme

Educational programme specification