Social Work

Ուսման ձևը հեռակա, տևողությունը՝ 5 տարի։

Սոցիալական աշխատանքը ինտեգրատիվ պրակտիկայի վրա հիմնված մասնագիտություն է, որը նպաստում է սոցիալական փոփոխություններին, զարգացմանը, համախմբվածությանը և մարդկանց ու համայնքների հզորացմանը:

Ընդունելության պահանջները

Դիմորդը ընդունելության քննություններ է հանձնում «Հայոց լեզու և գրականություն», «Օտար լեզու»  կամ «Կենսաբանություն» առարկաներից։

Առավելությունները

«Սոցիալական աշխատանք» բակալավրի ծրագրի շրջանակում դասավանդվում են առարկաներ, որոնց շնորհիվ ուսանողները ձեռք են բերում գիտելիք և հմտություններ հասարակության մեջ սոցիալական հիմնախնդիրների բացահայտման, խոցելի խմբերի կարիքների գնահատման, կարիք ունեցող անձանց, խմբերին, ընտանիքներին և համայնքներին աջակցելու, միջամտության պլան կազմելու, սոցիալական դեպքի վարման, սոցիալական խորհրդատվության, մարդու իրավունքների պաշտպանության նպատակով ադվոկացիա և լոբինգ, ինչպես նաև մասնագիտական սուպերվիզիայի իրականացման ուղղությամբ։

Կարիերայի հնարավորությունները

«Սոցիալական աշխատանք» բակալավրի կրթական ծրագրի շրջանավարտները հնարավորություն ունեն աշխատանքի անցնելու տարբեր ոլորտներում գործող ինչպես պետական, այնպես էլ տեղական ու միջազգային հասարակական կազմակերպություններում` զբաղեցնելով սոցիալական աշխատողի, դեպք վարողի, սոցիալական ծրագրեր մշակողի և գնահատողի, սուպերվիզորի պաշտոնները։ 

Ծրագրի շրջանավարտները կարող են շարունակել իրենց ուսումը ԵՊՀ սոցիոլոգիայի ֆակուլտետի «Սոցիալական աշխատանք և սոցիալական քաղաքականություն» մագիստրոսական ծրագրում, ինչպես նաև հարակից այլ ծրագրերում: