May 25, 2024 | 17:10
Events
Graduates
Student
YSU as uniting bridge for graduates: 40 years later, back in the auditorium
Keeping the established tradition, the graduates of YSU Informatics and Applied Mathematics Faculty of 1979-1984 gathered at the faculty to celebrate the 40th anniversary of their graduation. The classmates reminisced about the remarkable events and stories and their active student life, as well as toured their familiar classrooms.
Դահլիճը աշխույժ եռուզեռի մեջ էր․ հին ընկերները ջերմ գրկախառնությամբ ողջունում էին միմյանց։ Շատերի համար այս հանդիպումը ճանապարհորդություն էր դեպի անցյալ, հնարավորություն՝ հիշելու ալգորիթմներ սովորելու, բարդ հավասարումներ լուծելու և մտքի սահմաններն ընդլայնելու համատեղ անցկացրած օրերը:
40 տարի առաջ համալսարանն ավարտած կուրսընկերների կյանքի ուղիները որքան էլ տարբեր, նույնը մեկն է մնացել՝ սերը դեպի համալսարան ու համալսարանական կյանքի հիշողություններ։ Այս հանդիպումը ակադեմիական հնոցում թրծված ամուր կապի վկայությունն էր։
Ուսանողական տարիներին ձևավորված ընկերությունն այսօր վերաճել է ամուր բարեկամության․ կապող օղակը կրկին ԵՊՀ-ն է։
Ինֆորմատիկայի և կիրառական մաթեմատիկայի ֆակուլտետի 1984 թ․ շրջանավարտներից է ֆակուլտետի Թվային անալիզի և մաթեմատիկական մոդելավորման ամբիոնի դասախոս, պրոֆեսոր Վահրամ Դումանյանը։ Նրան է պատկանում կուրսընկերներին հարազատ հարկի տակ մեկտեղելու, պարբերաբար նմանօրինակ հանդիպումներ կազմակերպելու նախաձեռնությունը։
«Ուղիղ 5 տարի առաջ մենք կրկին հավաքվեցինք այս նույն լսարանում։ Սա համարում եմ մեր ձեռքբերումը, քանի որ այն վկայությունն է ձևավորված ամուր ընկերության, միմյանց նկատմամբ հարգանքի առկայության։ Այս հանդիպմանը ներկա են նաև մեր սիրելի դասախոսները, որոնք կանգնած են ֆակուլտետի զարգացման հիմքում»,- պատմեց Վ․Դումանյանը։
Խոսելով համալսարանի դերի մասին՝ Վահրամ Դումանյանը նշեց․ «Համալսարանն ավարտելուց անցել է 40, ընդունվելուց՝ 45 տարի։ Ես ինձ համարում եմ երջանիկ անհատ, քանի որ 1979 թ․ մտել եմ համալսարան ու այստեղ իմ ճանապարհը շարունակում եմ մինչև օրս՝ շփվելով թե՛ դասախոսներիս և թե՛ երիտասարդ, նոր գաղափարներով հարուստ ուսանողների հետ։ Ուզում եմ փաստել, որ համալսարանն այն կառույցն է, որը մշտապես ընդունում է և պատրաստ է մեկ հարկի տակ համախմբելու բոլոր ժամանակների իր սաներին»։
Հանդիպմանը հրավիրվել էին շրջանավարտներին դասավանդած և այսօր էլ ուսանողներին գիտելիքներ փոխանցող դասախոսները։ Նրանք կրկին կանգնեցին ամբիոնի մոտ, շրջանավարտները նստեցին ուսանողական նստարաններին՝ հիշելով համալսարանական տարիները։
Հանդիպումը հնարավորություն էր ոչ միայն վերհիշելու ուսանողական օրերի հետաքրքիր դեպքերը, այլև ծավալելու մասնագիտական քննարկումներ՝ արհեստական բանականությունից և սարքավորումների մեքենայացումից մինչև արագ տեմպերով թվային լանդշաֆտի զարգացում։
Քննարկմանը հաջորդեց շրջայց համալսարանում։ Այն արթնացրեց համալսարանական ջերմ հիշողություններ՝ կրթական, գիտական ու ուսանողական կյանքի թարմ շնչառությամբ։
Միջոցառումն ավարտվեց նորից հանդիպելու խոստումով։
