Events

Ս.թ. դեկտեմբերի 1-ին՝ ժամը 12:00-ին, ԵՊՀ արևելագիտության ֆակուլտետի 321 լսարանում տեղի կունենա հավաստագրերի հանձնման հանդիսավոր արարողություն, որի շրջանակում պարսից լեզվի վերապատրաստման դասընթացին մասնակցած և ԵՊՀ արևելագիտության ֆակուլտետի իրանագիտության ամբիոնում ուսանած օտարերկրյա ուսանողները կստանան դասընթացին մասնակցությունը փաստող հավաստագրեր։

Ս.թ. դեկտեմբերի 1-ին ԵՊՀ Պալեանների անվան դահլիճում կանցկացվի ԵՊՀ իրավագիտության ֆակուլտետի և Ռաուլ Վալենբերգի անվան մարդու իրավունքների և մարդասիրական իրավունքի ինստիտուտի կողմից կազմակերպվող «Մարդու իրավունքների հետազոտությունը Հայաստանում. արդի և նոր ձևավորվող հիմնախնդիրներ» խորագրով միջազգային գիտաժողովը:

Ս.թ. նոյեմբերի 30-ին՝ ժամը 14:00-ին, ԵՊՀ-ում կանցկացվի ՀՀ ուսանողական մարզական 24-րդ խաղերի՝ ժայռամագլցման առաջնությունը (տղաներ և աղջիկներ):

On November 30, at 10:00 in the Yerevan State University, in Balyan's Hall of the Faculty of International Relations, Peter McMillan's lecture will be held: Manyoshu - Japanese classical literature and its importance for world literature.

Ս.թ. նոյեմբերի 29-ին՝ ժամը 17:00-ին, ԵՊՀ Շառլ Ազնավուրի անվան մշակույթի կենտրոնում տեղի կունենա հանդիպում-համերգ աշխարհահռչակ իսպանահայ օպերային երգիչ Վահրամ Թադևոսյանի (Վաննո Թադեո) հետ՝  նվիրված նրա բեմական գործունեության 25-ամյակին։

Ս.թ. նոյեմբերի 29-ին՝ ժամը 15:00-ին, ԵՊՀ 7-րդ մասնաշենքի Եղիշե Չարենցի անվան դահլիճում տեղի կունենա «INNOՄԵԴԻԱ» փորձարարական հեռուստաընկերության բացման հանդիսավոր արարողությունը:

Ս.թ. նոյեմբերի 29-ին՝ ժամը 11:00-ին, ԵՊՀ Պալեանների անվան դահլիճում դասախոսություն կկարդա ՀՀ-ում Ուրուգվայի Արևելյան Հանրապետության արտակարգ և լիազոր դեսպան Էդուարդո Ռոզենբրոկ Բիդարտը:

Ս.թ. նոյեմբերի 28-ին՝ ժամը 14։00-ին, ԵՊՀ ISTC ինովացիոն կենտրոնի դահլիճում կանցկացվի պանելային քննարկում, որի նպատակն է ներկայացնել «Գալուստ Կիւլպէնկեան թարգմանական մատենաշար» ծրագիրը, հրատարակված գրքերը, ինչպես նաև քննարկել թարգմանական գործընթացի հիմնախնդիրները, գրքերի գործնական կիրառությունը համալսարանական և գիտական շրջանակներում։

Ս.թ. նոյեմբերի 27-ին՝ ժամը 11:00-ին, ԵՊՀ կենսաբանության ֆակուլտետում դասախոսությամբ հանդես կգա Հարավային Կորեայի Յոնգնամի համալսարանի պատվավոր պրոֆեսոր և Կորեայի բնության պահպանության միջազգային միության (IUCN) տեսակների պահպանության խմբի նախագահ, Չոլիպո դենդրարիումի ղեկավար Յոնգ-Շիկ Կիմը:

Ս.թ. նոյեմբերի 24-ին՝ ժամը 15:00-ին, Երևանի պետական համալսարանի Շառլ Ազնավուրի անվան մշակույթի կենտրոնում (գլխավոր մասնաշենք՝ 6-րդ հարկ) տեղի կունենա «Ես կին եմ» ներկայացումը: