Իրադարձություններ

Ս․թ․ մարտի 26-ին՝ ժամը 12։30-ին, ԵՊՀ արևելագիտության ֆակուլտետի Ֆիրդուսիի անվան դահլիճում (228 լսարան) կանցկացվի հանդիպում ՀՀ-ում ԻԻՀ դեսպան Մեհդի Սոբհանիի և ՀՀ-ում ԻԻՀ դեսպանատան մշակույթի կենտրոնի ղեկավար Մոհամմադ Սոբհանիի հետ։

Ս․թ․ մարտի 26-ին՝ ժամը 12։00-ին, ԵՊՀ պատմության ֆակուլտետում տեղի կունենա Վրացագիտության կենտրոնի բացման հանդիսավոր արարողությունը, որին ներկա կգտնվեն ԵՊՀ պրոֆեսորադասախոսական կազմի ներկայացուցիչները, Վրաստանի կրթության և գիտության նախարարի գլխավորած պատվիրակությունը:

Ս.թ. մարտի 26-ին, ժամը՝ 10:00-ին, ԵՊՀ Շառլ Ազնավուրի անվան մշակույթի կենտրոնում տեղի կունենա հանդիպում Ֆրանսիայից ժամանած թատերախմբի հետ, որը Հայաստան է այցելել «Աղբարիկս․ Ազնավուրյանների ոդիսականը» ներկայացումը Հ․ Ղափլանյանի անվան դրամատիկական թատրոնում ներկայացնելու համար:

Ս․թ․ մարտի 25-ին՝ ժամը 14։00-ին, ԵՊՀ գիտական խորհրդի նիստերի դահլիճում կանցկացվի Արևելագիտության ֆակուլտետի գիտխորհրդի ընդլայնված նիստ՝ նվիրված Թյուրքագիտության ամբիոնի վարիչ, պ․գ․թ․, պրոֆեսոր Ալեքսանդր Սաֆարյանի 60-ամյակին։

Ս.թ. մարտի 25-ին՝ ժամը 14:30-ին, ԵՊՀ կենսաբանության ֆակուլտետում «Էկոլոգիապես անբարենպաստ պայմաններում առաջացած առողջական շեղումների շտկումը ոչ դեղորայքային միջոցներով» թեմայով զեկուցմամբ հանդես կգա Մարդու և կենդանիների ֆիզիոլոգիայի լաբորատորիայի կրտսեր գիտաշխատող Մարիետա Կարապետյանը:

Ս.թ. մարտի 22-ին և 23-ին՝ ժամը 12:30-ին, ԵՊՀ Պալեանների անվան դահլիճում կանցկացվի «Հիդրոօդերևութաբանության և շրջակա միջավայրի մոնիթորինգի արդի հիմնախնդիրները ՀՀ-ում» խորագրով հանրապետական գիտաժողովը:

Ս.թ. մարտի 22-ին՝ ժամը 17։00-ին, ԵՊՀ ֆիզիկայի ինստիտուտի, ինֆորմատիկայի և կիրառական մաթեմատիկայի, մաթեմատիկայի և մեխանիկայի ֆակուլտետների ուսանողները կայցելեն «WorldQuant» կազմակերպություն։

Ս․թ․ մարտի 22-ին՝ ժամը 15։30-ին, ԵՊՀ գիտական խորհրդի նիստերի դահլիճում կանցկացվի «Էրազմուս» Երևանի ուսանողական ցանցի կազմակերպած միջմշակութային երեկոն՝ բազմազանության, միասնության և մշակութային փոխանակման յուրօրինակ միջոցառում:

Ս.թ. մարտի 22-ին՝ ժամը 14:30-ին, ԵՊՀ կենսաբանության ֆակուլտետում «Որոշ դեղաբույսերի հակասնկային ակտիվության գնահատում պոտենցիալ պաթոգեն սնկերի նկատմամբ» թեմայով զեկուցմամբ հանդես կգա Բուսաբանության և սնկաբանության լաբորատորիայի կրտսեր գիտաշխատող Ռուզաննա Ադամյանը:

Ս․թ․ մարտի 22-ին՝ ժամը 13։00-ին, ԵՊՀ ISTC ինովացիոն կենտրոնի կոնֆերանս դահլիճում (ԵՊՀ 7-րդ մասնաշենք, 6-րդ հարկ) կկայանա «Մարաքեշ 2022–Երևան 2023/2024․ մեծահասակների ուսումնառության և կրթության (ՄՈՒԿ) գլոբալ և լոկալ միտումներ» նախագծի ամփոփիչ համաժողովը։