Դպրոցի ընդունելությունը կատարվում է երկու փուլով․
1․ Գրավոր փուլ
- ՍԹԵՄ (բնագիտամաթեմատիկական) ուղղության համար դիմորդներն ընտրում են բնագիտական առարկաներից («Ֆիզիկա», «Մաթեմատիկա», «Քիմիա», «Կենսաբանություն») որևէ մեկը և հանձնում են մեկ գրավոր քննություն (առարկայի ընտրությունը կատարում է դիմորդը)։
Նախորդ տարվա քննաթերթիկները՝ ստորև․
«Մաթեմատիկա», «Ֆիզիկա», «Քիմիա», «Կենսաբանություն»:
- Հասարակագիտական (հումանիտար) ուղղության համար դիմորդները ընտրում և հանձնում են մեկ գրավոր քննություն «Հայոց լեզու և գրականություն» կամ «Անգլերեն» առարկաներից որևէ մեկից (առարկայի ընտրությունը կատարում է դիմորդը)։
Քննաթերթիկների ձևանմուշները՝ ստորև․
«Հայոց լեզու և գրականություն», «Անգլերեն»:
Դիմում-հայտը լրացնելուց առաջ խնդրում ենք ծանոթանալ պահանջվող փաստաթղթերի ցանկին։
2․ Բանավոր փուլ
Գրավոր փուլը հաջողությամբ հաղթահարած դիմորդը մասնակցում է ընդհանուր իմացության գիտելիքի ստուգման հարցազրույցին։
Հանրապետական առարկայական օլիմպիադաների մրցանակակիրների և միջազգային առարկայական օլիմպիադաների մասնակիցների ընդունելությունը կազմակերպվում է առանց քննության։
Դպրոց ընդունվելու համար դիմելու հնարավորություն ունեն և՛ ՀՀ, և՛ օտարերկրյա դիմորդները։
Դպրոցի՝ յուրաքանչյուր տարվա ընդունելության մեկնարկի մասին տեղեկություններն ընդունելությունից առնվազն երկու ամիս առաջ հրապարակվում են դպրոցի կայքէջում և տեղեկատվական հարթակներում (2024-2025 ուստարվա ընդունելության մանրամասների մասին տեսանյութը՝ այստեղ)։
ԵՊՀ ՍԹԵՄ ավագ դպրոցի դիմում-հայտերի ընդունելությունը կատարվում է առցանց եղանակով՝ admission.ysu.am կայքէջի միջոցով։
