Ֆիզիկական դաստիարակության և սպորտի ամբիոն

ԵՊՀ ֆիզիկական դաստիարակության և սպորտի ամբիոնը հիմնադրվել է 1924 թ. և գործել Զինվորական ամբիոնի հետ համատեղ, իսկ 1933 թ. ամբիոնը շարունակել է գործել որպես համահամալսարանական ուսումնագիտական առանձին միավոր: Լինելով ԵՊՀ կառուցվածքային ամբողջական ստորաբաժանում՝ այսօր այն գործում է «Կրթության մասին», «Ֆիզիկական կուլտուրայի և սպորտի մասին» ՀՀ օրենքների, պետական կրթական չափորոշիչների, բուհերի ուսանողների ֆիզիկական դաստիարակության ծրագրի պահանջների և ԵՊՀ ֆիզիկական դաստիարակության ամբիոնի կանոնադրության համաձայն:

Ամբիոնն իր կրթադաստիարակչական, ուսումնամարզական առողջարար, հայրենասիրական և հայրենագիտական գործունեությունը ծավալում է՝ նպատակ ունենալով ֆիզկուլտուրայի և սպորտի բազմաբնույթ ձևերի միջոցով նպաստելու ուսանողների առողջության ամրապնդմանը, ֆիզիկական պատրաստվածությանը և սպորտային վարպետության կատարելագործմանը:

Կարդալ ավելին