Ֆարմացիայի ինստիտուտի գիտահետազոտական կենտրոն

ԵՊՀ ֆարմացիայի ինստիտուտի գիտահետազոտական կենտրոնում ուսումնասիրվում է նոր քիրալային մետաղակոմպլեքսային կատալիզատորների և օրգանակատալիզատորների սինթեզը, և կատալիտիկ եղանակով ստացվում են կենսաբանորեն պոտենցիալ ակտիվ միացություններ:

Գիտահետազոտական կենտրոնը շարունակաբար կատարում է հետազոտություններ ասիմետրիկ սինթեզի ոլորտում, մասնավորապես մշակվում են տարբեր կառուցվածքներով էնանտիոմերապես հարստացված, օպտիկապես ակտիվ ոչ սպիտակուցային ամինոթթուների ու դրանցից կազմված պեպտիդների ստացման արդյունավետ մեթոդներ՝ ստեխիոմետրիկ և կատալիտիկ:

Նաև մոդելավորվում և սինթեզվում են նոր մոդիֆիկացված մետաղակոմպլեքսներ, որոնք այնուհետև հետազոտվում են որպես քիրալային կատալիզատորներ ամինոթթուների սինթեզի ռեակցիաներում: Սինթեզված նոր միացությունները այնուհետև ենթարկվում են բժշկակենսաբանական սկրինինգի:

Հետազոտական հիմնական ուղղությունները․

• քիրալային մետաղակոմպլեքսների կատալիտիկ համակարգերի ստացում, ուսումնասիրում և կիրառման հնարավորությունների ուսումնասիրություն,
• տարբեր կառուցվածքների էնանտիոմերապես հարստացված, օպտիկապես ակտիվ ոչ սպիտակուցային ամինոթթուների ու դրանցից կազմված պեպտիդների ստացման արդյունավետ մեթոդների (ստեխիոմետրիկ և կատալիտիկ) մշակում,
• սինթեզված նոր միացությունների բժշկակենսաբանական սկրինինգ: