Դիմորդի ուղեցույցը պարունակում է համառոտ տեղեկություններ ԵՊՀ ֆակուլտետների և կրթական ծրագրերի, նախապատրաստական դասընթացների և ԵՊՀ Իջևանի մասնաճյուղի մասին: Ուղեցույցում ներկայացված են վերջին երեք տարիների ընդունելության քննությունների պատկերը, ԵՊՀ բոլոր կրթական ծրագրերի ընդունելության անցողիկ շեմը և դիմորդների թիվը՝ ըստ կրթական ծրագրերի և տեղերի քանակի: Սույն ուղեցույցը նախատեսված է ՀՀ հանրակրթական հաստատությունների (դպրոցներ, վարժարաններ, քոլեջներ, նախնական մասնագիտական հաստատություններ) ավարտական դասարանների աշակերտների և սովորողների մասնագիտական կողմնորոշման համար:
Ընդունելության և դիմորդների հետ տարվող աշխատանքների կենտրոն
ԵՊՀ ընդունելության և դիմորդների հետ տարվող աշխատանքների կենտրոնը հիմնադրվել է 2006 թ․։ Կենտրոնում գործում են Դիմորդների հետ տարվող աշխատանքների և Նախապատրաստական դասընթացների բաժինները:
Կենտրոնի գործունեության առաջնահերթությունն է նպաստել դիմորդների մասնագիտական կողմնորոշմանը: Այդ նպատակի իրականացման համար կենտրոնն իր գործունեության բոլոր տարիներին հետևողական աշխատանքներ է կատարել շահառու խմբերին իրազեկելու, կրթական տարբեր նախաձեռնությունների շրջանակում համալսարանն ավագ դպրոցների և քոլեջների հետ կամրջելու ուղղությամբ: Կենտրոնը նաև կատարում է աշխատանքներ ՀՀ և արտասահմանյան քաղաքացիների՝ ԵՊՀ ընդունելությանը նախապատրաստելու, այդ ուղղությամբ ֆակուլտետների և ստորաբաժանումների աշխատանքները համակարգելու և ԵՊՀ-ի նկատմամբ հանրային վստահության աստիճանը բարձրացնելու նպատակով։
Դիմորդի ուղեցույց-2024
ԵՊՀ այցելության էլեկտրոնային գրանցման հարթակ
ԵՊՀ ընդունելության և դիմորդների հետ տարվող աշխատանքների կենտրոնը վերսկսում է դպրոցականների այցելությունների կազմակերպումը ԵՊՀ՝ նրանց առաջարկելով ճանաչողական և մասնագիտական այցեր համալսարանի ֆակուլտետներ և լաբորատորիաներ։
ԵՊՀ որևէ ֆակուլտետ կամ լաբորատորիա այցելելու համար աշակերտը պետք է լրացնի առցանց հայտադիմումը՝ գրանցելով իր տվյալները և լրացնելով համապատասխան դաշտերը։ Հայտադիմումն ստանալուց հետո ԵՊՀ ընդունելության և դիմորդների հետ տարվող աշխատանքների կենտրոնի աշխատակիցները համակարգում և կազմակերպում են այցելությունները։
Երևանի պետական համալսարանը սիրով սպասում է իր ապագա ուսանողներին։
Կոնտակտներ
Ընդունելության և դիմորդների հետ տարվող աշխատանքների կենտրոնի տնօրեն՝
Վաչագան Գալստյան
Հեռ․՝ (+374 10) 554 003, (+374 60) 710 133
Էլհասցե՝ pre-ued@ysu.am
