Միջազգային հարաբերությունների ֆակուլտետ

1990 թ. ԵՊՀ արևելագիտության ֆակուլտետում բացվել է միջազգային հարաբերությունների բաժին, որը 1991-1992 ուստարվանից գործել է պատմության ֆակուլտետի կազմում։ 1993 թ. ապրիլին հիմնադրվել է միջազգային հարաբերությունների տեսության և պատմության ամբիոնը, որը հետագայում վերանվանվել է միջազգային հարաբերությունների և դիվանագիտության ամբիոն: ԵՊՀ գիտական խորհրդի որոշմամբ 1998 թ. սեպտեմբերի 16-ին պատմության ֆակուլտետի միջազգային հարաբերությունների ամբիոնի հենքի վրա ստեղծվել է միջազգային հարաբերությունների ֆակուլտետը, որի կազմում ընդգրկվել է նաև փիլիսոփայության ֆակուլտետի քաղաքագիտության ամբիոնը:

Ֆակուլտետը մշտապես կատարելագործում և բարելավում է կրթական ծրագրերը, ինչի շնորհիվ ուսանողները ստանում են ժամանակի կրթական պահանջներին ու չափանիշներին համապատասխան կրթություն: Ֆակուլտետի առաջարկած կրթական ծրագրերը կազմվել են՝ հիմք ընդունելով ֆակուլտետի որդեգրած ռազմավարությունը, միջազգային չափորոշիչները և արտասահմանյան լավագույն փորձը:

Ֆակուլտետում գործում է առկա և հեռակա ուսուցման եռաստիճան համակարգ՝ բակալավրիատական, մագիստրոսական և ասպիրանտական։

Կարդալ ավելին