Գիտական քաղաքականության վարչություն

ԵՊՀ գիտական քաղաքականության վարչությունը վերահսկում է ԵՊՀ ֆակուլտետներում գիտահետազոտական աշխատանքների իրականացումը, ուսումնական գործընթացում գիտական արդյունքների ներդնումը, նորարարական ծրագրերի և գիտության կարևորագույն արդյունքների առևտրայնացման նպատակով համապատասխան կառույցների ստեղծումը, միջֆակուլտետային գիտակրթական ստորաբաժանումների ստեղծումը, ԵՊՀ ֆակուլտետների նյութատեխնիկական և գիտական ռեսուրսների ուսումնասիրումն ու համապատասխան բարեփոխումների կատարումը:

ԵՊՀ գիտական քաղաքականության վարչությունը համակարգում է ՀՀ ԿԳՄՍՆ գիտության պետական
կոմիտեի հաստատած դրամաշնորհային ծրագրերի պայմանագրերի հաստատումը, ՀՀ ազգային վիճակագրության ծառայություն է ներկայացնում ԵՊՀ պետական բյուջեից ֆինանսավորվող գիտական թեմաների վիճակագրությունը, ՀՀ ԿԳՄՍՆ գիտության պետական կոմիտե է ներկայացնում բազային ֆինանսավորմամբ իրականացվող ծրագրերում ներկայացված գիտական աստիճաններ ունեցող գիտաշխատողների մասին տվյալները, մասնակցում է գիտահետազոտական ստորաբաժանումներում մշակվող գիտահետազոտական և կառուցվածքային փաստաթղթերի չափագիտական փորձաքննության անցկացմանը: