Իրավաբանական ծառայություն

ԵՊՀ իրավաբանական ծառայությունը մշակում է համալսարանի ներքին իրավական ակտերի նախագծերը, ստուգում է ԵՊՀ կառուցվածքային ստորաբաժանումների ներկայացրած ներքին իրավական նախագծերի, այդ թվում՝ աշխատանքային իրավահարաբերությունների հետ կապված անհատական իրավական ակտերի համապատասխանությունը ՀՀ գործող օրենսդրության պահանջներին, ըստ անհրաժեշտության՝ ներկայացնում իրավական մեկնաբանություններ և մասնագիտական եզրակացություններ։

Ռեկտորի հանձնարարությամբ Իրավաբանական ծառայությունը պատասխանում է ստացված պաշտոնական գրություններին, համապատասխան ընթացք է տալիս քաղաքացիների դիմումներին, բողոքներին և առաջարկներին։

Իրավաբանական ծառայությունը մասնագիտական եզրակացություն է տալիս ուսանողներին ուսման վարձավճարի լրիվ կամ մասնակի փոխհատուցում տրամադրելու մասին դիմումների վերաբերյալ։

Սահմանված կարգով Իրավաբանական ծառայությունն ապահովում է ԵՊՀ ներկայացուցչությունը դատարանում և պետական այլ մարմիններում։

Ծառայությունն իր իրավասության սահմաններում իրավունք ունի ընդունելու որոշումներ, եթե դրանք չեն հակասում ՀՀ օրենսդրությանը և ԵՊՀ ներքին իրավական ակտերին։