Համալսարանի տեսողական ինքնության հիմնական ցուցիչն է սուրանկյուն եզրով շրջանի մեջ գտնվող գերբը (այսուհետ` տարբերանշան): ԵՊՀ տարբերանշանը օգտագործվում է համալսարանին առնչվող բոլոր փաստաթղթերի, տպագրված և էլեկտրոնային նյութերի, ԵՊՀ ապրանքանիշի բոլոր իրերի վրա։
Երևանի պետական համալսարանի հիմներգը ստեղծվել է 2004 թ․ մայիսին: ԵՊՀ հիմներգի հեղինակներն են կոմպոզիտոր Ռոբերտ Ամիրխանյանը և բանաստեղծ Հովիկ Հովեյանը:
Երևանի պետական համալսարանի դրոշը կապույտ է, եզրերը՝ ոսկեգույն ծոպերով, կենտրոնում՝ ԵՊՀ ոսկեգույն գերբը: Դրոշի լայնության և երկարության չափերի հարաբերությունը 1:2-ի է:
