«Էրազմուս+» միջազգային կրեդիտային շարժունության գործողություն Երևանի պետական համալսարանի և Իսպանիայի Ալմերիայի համալսարանի միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Ալմերիայի համալսարանի (Իսպանիա) միջև կնքված պայմանագրով նախատեսվում է 2 շարժունություն բակալավրիատի ուսանողների համար` 2023/2024 ուստարվա 2-րդ կիսամյակում 5 ամիս ժամկետով ուսանելու համար:

Աշխատանքային լեզուն անգլերենն է:

Իսպաներենի B1 մակարդակի իմացությունը ցանկալի է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային PDF տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. նոյեմբերի 1-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն). 

1. անձնագրի պատճեն,

2. ինքնակենսագրական (CV) «Europass» ձևաչափով, 

3. մոտիվացիոն նամակ, 

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ, 

6. ուսումնառության համաձայնագիր (Learning Agreement for Studies), 

7. առարկաների ցանկը՝ այստեղ: