«Էրազմուս+» միջազգային կրեդիտային շարժունություն Երևանի պետական և Լիլի (Ֆրանսիա) համալսարանների միջև

«Էրազմուս+» միջազգային կրեդիտային շարժունության գործողության շրջանակում Երևանի պետական և Լիլի (Ֆրանսիա) համալսարանների միջև կնքված պայմանագրով նախատեսվում են շարժունություններ Աշխարհագրության և երկրաբանության ֆակուլտետի ուսանողների համար` 2023/2024 ուստարվա 2-րդ կիսամյակում ուսանելու նպատակով:

Անգլերենի կամ ֆրանսերենի գերազանց իմացությունը պարտադիր է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում: 

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ h.mkrtchyan@ysu.am: Նամակի վերնագրի դաշտում անհրաժեշտ է նշել Erasmus+, Lille):

Դիմումների ընդունման վերջնաժամկետն է ս.թ. հոկտեմբերի 27-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով).

1. անձնագրի պատճեն, 

2. ինքնակենսագրական (CV) «Europass» ձևաչափով, 

3. մոտիվացիոն նամակ,

4. ակադեմիական տեղեկագիր,

5. տեղեկանք ԵՊՀ-ում ուսանելու վերաբերյալ,

6. ուսումնառության համաձայնագիր (Learning Agreement for Studies), 

7. անգլերենի կամ ֆրանսերենի իմացությունը հաստատող վկայական:

Լիլի համալսարանի ծրագրերի (առարկաների) ցանկը՝ https://www.univ-lille.fr/etudes/decouvrir-loffre-de-formation/:

Անգլերենով անցկացվող դասընթացների ցանկը՝ https://international.univ-lille.fr/etudiants-etrangers/en-programme-in…