«Էրազմուս+» միջազգային կրեդիտային շարժունության գործողություն Երևանի պետական համալսարանի և Կորունայի համալսարանի (Իսպանիա) միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Կորունայի համալսարանի (Իսպանիա) միջև կնքված պայմանագրով նախատեսվում է 1 շարժունություն պրոֆեսորադասախոսական կազմի (հիմնական աշխատակիցների) համար` 2023-2024 ուստարվա 2-րդ կիսամյակում դասախոսություն կարդալու (1 շաբաթ, 8 ժամ), ինչպես նաև 3 շարժունություն բակալավրիատի, մագիստրատուրայի ուսանողների և ասպիրանտների համար` 2023-2024 ուստարվա 2-րդ կիսամյակում 3-ից 5 ամիս ժամկետով ուսանելու նպատակով:

Շարժունությունը նախատեված է ԵՊՀ իրավագիտության, բնագիտության, մաթեմատիկայի և վիճակագրության բնագավառների ուսանողների և դասախոսների համար։

Աշխատանքային լեզուն անգլերենն է:

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. նոյեմբերի 5-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկն ուսանողների համար (փաստաթղթերն ընդունվում են միայն անգլերեն, PDF տարբերակով).

1.անձնագրի պատճեն,

2.ինքնակենսագրական (CV)՝ «Europass» ձևաչափով,

3.մոտիվացիոն նամակ,

4.ակադեմիական տեղեկագիր,

4.տեղեկանք ԵՊՀ-ում ուսանելու վերաբերյալ,

5. ուսումնառության համաձայնագիր (Learning Agreement for Studies),

6. ընդունող բուհի գիտական ղեկավարի համաձայնություն (անհրաժեշտ է CV-ն և հետազոտական նախագիծն ուղարկել հետևյալ Էլհասցեին՝ iro@udc.es),

7.շարժունության ծրագիր (Mobility Program):

Պրոֆեսորադասախոսական կազմի համար՝

1. շարժունության համաձայնագիր (Staff Mobility Agreement for Teaching),

2. ընդունող բուհի համաձայնություն,

3. ինքնակենսագրական (CV) «Europass» ձևաչափով,

4. անձնագրի պատճեն:

Անգլերենով դասընթացներին հնարավոր է ծանոթանալ այստեղ: