«Էրազմուս+» Երևանի պետական համալսարանի և Յաշի Ալեքսանդրու Իոան Կուզայի (Ռումինիա) համալսարանի միջև

«Էրազմուս+» միջազգային կրեդիտային շարժունության գործողության շրջանակում Երևանի պետական համալսարանի և Յաշի Ալեքսանդրու Իոան Կուզայի (Ռումինիա) համալսարանի միջև կնքված պայմանագրով նախատեսվում է 1 շարժունություն պրոֆեսորադասախոսական կազմի (հիմնական աշխատակիցների) համար՝ 2023/2024 ուստարում 1 շաբաթ ժամկետով 8 ժամ դասախոսություն կարդալու, ինչպես նաև 1 շարժունություն բակալավրիատի, մագիստրատուրայի ուսանողների և ասպիրանտների համար՝ 2023/2024 ուստարվա 2-րդ կիսամյակում 5 ամիս ժամկետով ուսանելու նպատակով:

Աշխատանքային լեզուն անգլերենն է։

Ծրագրով դրամաշնորհառուներին տրամադրվում է անհատական կրթաթոշակ, ինչպես նաև փոխհատուցվում է ճանապարհածախսը:

Մանրամասն տեղեկություններ ֆինանսավորման և «Էրազմուս+» միջազգային կրեդիտային շարժունության ծրագրի մասին հնարավոր է գտնել «Էրազմուս+» միջազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ mnatsakanyan@ysu.am):

Դիմումների ընդունման վերջնաժամկետն է ս.թ. նոյեմբերի 1-ը՝ ժամը 17:00-ն:

Առարկաների ցանկը հնարավոր է գտնել այստեղ:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն, PDF տարբերակով):

Ուսանողների համար՝

1. դիմում-հայտ,

2. ուսումնառության համաձայնագիր (Learning Agreement for Studies),

3. անձնագրի պատճեն,

4. ինքնակենսագրական (CV) «Europass»  ձևաչափով,

5. մոտիվացիոն նամակ,

6. ակադեմիական տեղեկագիր,

7. տեղեկանք ԵՊՀ-ում ուսանելու վերաբերյալ։

Պրոֆեսորադասախոսական կազմի համար՝

1․ տեղեկանք ԵՊՀ-ում աշխատելու վերաբերյալ,

2․ շարժունության համաձայնագիր (Staff Mobility Agreement for Teaching),

3․ ընդունող բուհի համաձայնություն,

4․ ինքնակենսագրական (CV) «Europass» ձևաչափով,

5․ անձնագրի պատճեն: