Կրթաթոշակի հնարավորություն Գրայֆսվալդի համալսարանում (Գերմանիա)

Գրայֆսվալդի համալսարանը (Գերմանիա) միջբուհական համագործակցության շրջանակում տրամադրում է կրթաթոշակ ԵՊՀ գիտահետազոտական աշխատանքներ կատարողների և պրոֆեսորադասախոսական հիմնական կազմի համար (2 շաբաթից մինչև 1 ամիս ժամկետով)՝ մինչև 2024 թ. փետրվար ամիսը (ներառյալ) հետազոտական աշխատանք կատարելու նպատակով։

Կրթաթոշակը կազմում է 2000 եվրո 1 ամսվա և օրական 89 եվրո՝ 2 շաբաթվա համար: Ավիատոմսերի գումարը ներառված չէ:

Գերմաներենի և (կամ) անգլերենի իմացության առնվազն B2 մակարդակը պարտադիր է:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. դեկտեմբերի 10-ը:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն).

1. անձնագրի պատճեն,

2. ինքնակենսագրական (CV) «Europass» ձևաչափով,

3. դիպլոմ,

4. հետազոտական աշխատանքի համառոտ նկարագիր (պլան),

5. հրավեր Գրայֆսվալդի համալսարանի պրոֆեսորի կողմից:

Համալսարանի մասին հավելյալ տեղեկություններ ստանալու համար անցնել հետևյալ հղումով՝ https://www.uni-greifswald.de/en/: