Երևանի պետական համալսարանի ասիստենտների ու դասախոսների պաշտոնների տեղակալման մրցութային ընտրության մասին

Երևանի պետական համալսարանի ռեկտորատը հայտարարում է մրցույթ ներքոհիշյալ ամբիոնների ասիստենտների ու դասախոսների թափուր պաշտոնների տեղակալման համար.

Համաձայն «Երևանի պետական համալսարան» հիմնադրամի գիտական խորհրդի 2012 թ. հունիսի 28-ի թիվ 5/3 որոշմամբ հաստատված «Երևանի պետական համալսարանի պրոֆեսորադասախոսական համակազմի մրցութային ընտրության և պաշտոնների տեղակալման ընթացակարգի» ու ԵՊՀ ռեկտորի՝ «Երևանի պետական համալսարանի ասիստենտների և դասախոսների պաշտոնների տեղակալման մրցութային ընտրություն նշանակելու և անցկացնելու մասին» թիվ 54/106-Լ հրամանի (19.03.2024 թ.)՝ վերոնշյալ ամբիոնների ասիստենտների ու դասախոսների  պաշտոնների տեղակալման նպատակով մրցութային ընտրությունները (համապատասխան ֆակուլտետների և այլ ստորաբաժանումների գիտական խորհուրդների նիստերում) տեղի կունենան  2024 թ. մայիսի 22-24-ն ընկած ժամանակահատվածում:

Ըստ «Երևանի պետական համալսարանի պրոֆեսորադասախոսական համակազմի մրցութային ընտրության և պաշտոնների տեղակալման ընթացակարգի»` ասիստենտի թափուր պաշտոնին կարող են հավակնել գիտական աստիճան ունեցող կամ համապատասխան մասնագիտության գծով ասպիրանտուրան ավարտած անձինք:

Դասախոսի թափուր պաշտոնին կարող են հավակնել համապատասխան մասնագիտության գծով մագիստրոսի կամ դիպլոմավորված մասնագետի որակավորում ունեցող անձինք:

Ասիստենտի ու դասախոսի պաշտոնի հավակնորդները ԵՊՀ անձնակազմի կառավարման բաժին (ք. Երևան, Ալեք Մանուկյան 1, ԵՊՀ կենտրոնական մասնաշենք, 407 սենյակ) պետք է ներկայացնեն հետևյալ փաստաթղթերը՝

• դիմում՝  ուղղված ԵՊՀ ռեկտորին,

• կադրերի հաշվառման անձնական թերթիկ,

• ինքնակենսագրություն,

• բարձրագույն կրթության վկայականի (դիպլոմի) պատճեն,

• գիտական աստիճանն ու գիտական կոչումը հաստատող փաստաթղթերի պատճենները (առկայության դեպքում),

• գիտական, ուսումնամեթոդական աշխատանք­ների ու գյուտերի ցուցակ՝ ընդգրկելով միայն վերջին 5 տարվա հրատարակությունները,

• որակավորման բարձրացում անցնելու մասին վկայական (առկայության դեպքում),

• վերջին հինգ տարվա ընթացքում ուսանողական հարցման արդյունքների վերաբերյալ տեղեկանք (եթե հարցումներն իրականացվել են),

• անձնագրի ու սոցիալական քարտի պատճենները:

• Մրցույթի մասնակիցը կարող է ներկայացնել նաև գիտաման­կավար­ժական գործունեությունը բնութագրող այլ փաստաթղթեր:

Փաստաթղթերի ներկայացման վերջնաժամկետը՝ ս.թ. ապրիլի 22-ը (ներառյալ)։

Լրացուցիչ տեղեկությունների համար դիմել ԵՊՀ անձնակազմի կառավարման բաժին (հեռ.՝ 060 710 002) կամ ԵՊՀ գիտական քարտուղարություն (հեռ.՝ 060 710 104):