Զաարլանդի համալսարանը (Գերմանիա) «Էրազմուս+» ծրագրի շրջանակում տրամադրում է կրթաթոշակ

Զաարլանդի համալսարանը (Գերմանիա) «Էրազմուս+» ծրագրի շրջանակում տրամադրում է  կրթաթոշակ ԵՊՀ քիմիայի ֆակուլտետի (մասնագիտացում՝ քիմիական/օրգանական սինթեզ, էլեկտրոքիմիա) և կենսաբանության ֆակուլտետի (մասնագիտացում՝ կենսաբանական վերլուծություն) ասպիրանտների համար մինչև 1 ամիս ժամկետով՝ 2024/2025 ուստարվա երկրորդ կիսամյակում հետազոտական աշխատանք կատարելու նպատակով։

Կրթաթոշակը կազմում է օրական 70 եվրո՝ մինչև 14-րդ օրը, 50 եվրո՝ 14-րդ օրվանից մինչև 30-րդ օրը: Ավիատոմսերի գումարը փոխհատուցվում է 530 եվրոյի չափով:

Գերմաներենի և/կամ անգլերենի իմացության առնվազն B2 մակարդակը պարտադիր է:

Համալսարանի մասին հավելյալ տեղեկություններ ստանալու համար անցնել հետևյալ հղումով՝ https://www.uni-saarland.de/en/home.html:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ lia_evoyan@ysu.am):

Դիմումների ընդունման վերջնաժամկետն է ս.թ. ապրիլի 21-ը: 

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն).

1. անձնագրի պատճեն,

2. ինքնակենսագրական (CV) «Europass» ձևաչափով,

3. դիպլոմ,

4. հետազոտական աշխատանքի համառոտ նկարագիր/պլան,

5. տեղեկանք աշխատավայրից/ուսման վայրից,

6. հրավեր Զաարլանդի համալսարանի պրոֆեսորի կողմից: