«Էրազմուս+» ծրագրի միջազգային կրեդիտային շարժունություն Տերամոյի համալսարան, Իտալիա

«Էրազմուս+» միջազգային կրեդիտային շարժունության գործողության շրջանակում Երևանի պետական և Տերամոյի (Իտալիա) համալսարանների միջև կնքված պայմանագրով կենսաբանության ֆակուլտետի պրոֆեսորադասախոսական հիմնական կազմի համար նախատեսվում է 2 շարժունություն 2022/2023 ուստարվա 2-րդ կիսամյակում 1 շաբաթ ժամկետով 8 ժամ դասախոսություն կարդալու համար:

Աշխատանքային լեզուն անգլերեն/իտալերենն է:

Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Մանրամասն տեղեկատվություն ֆինանսավորման և «Էրազմուս+» միջազգային կրեդիտային շարժունություն ծրագրի մասին հնարավոր է գտնել «Էրազմուս+» ազգային գործակալության կայքէջում:

Ծրագրի դիմումներն ընդունվում են ԵՊՀ միջազգային կապերի բաժնում էլեկտրոնային տարբերակով (էլհասցե՝ international@ysu.am):

Դիմումների ընդունման վերջնաժամկետն է ս.թ. ապրիլի 11-ը՝ ժամը 17:00-ն:

Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն).

1․ շարժունության համաձայնագիր (Staff Mobility Agreement for Teaching), 

2․ ընդունող բուհի համաձայնություն,

3․ ինքնակենսագրական (CV) «Europass» ձևաչափով,
4․ անձնագրի պատճեն:

Հարցերի դեպքում և հավելյալ տեղեկատվություն ստանալու համար անհրաժեշտ է դիմել ԵՊՀ միջազգային կապերի բաժին (ԵՊՀ կենտրոնական մասնաշենք, 4-րդ հարկ, 408 սենյակ):

Հեռախոս՝ (+374 10) 554 641 (ներքին՝ 11-38)

Ծրագրի համակարգող՝  Նաիրա Մնացականյան