Բաց կանչ․ հետազոտական աշխատանքների մրցույթ «Մեծահասակների ուսումնառության և կրթության հետազոտահենք համաժողովի» շրջանակում

«Դի-Վի-Վի Ինթերնեյշնալի» հայաստանյան գրասենյակը, Երևանի պետական համալսարանի հետ համագործակցությամբ, իրականացնում է «Մեծահասակների ուսումնառության և կրթության հետազոտահեն համաժողով» նախաձեռնությունը, որի շրջանակում հայտարարում է սահմանված ուղղություններով հետազոտությունների մրցույթ ԵՊՀ դասախոսների (հետազոտողների) և ուսանողների շրջանում։

Հայտերի ընդունման վերջնաժամկետն է ս. թ. ապրիլի 5-ը՝ ժամը 18։00-ն։

Մրցույթի պայմաններին ավելի մանրամասն հնարավոր է ծանոթանալ այստեղ։

Հետազոտությունն իրականացնելու համար դիմելու հնարավորություն ունեն նախկինում հետազոտական փորձ ունեցող ԵՊՀ դասախոսները/հետազոտողները մինչև 3-հոգանոց ուսանողական խմբով (1 դասախոս/հետազոտող + 1 ուսանող, 1 դասախոս/ հետազոտող + 2 ուսանող, 1 դասախոս/հետազոտող + 3 ուսանող)՝ ներկայացնելով լրացված հայտադիմումը։ Խմբում կարող են ընդգրկված լինել բակալավրիատի 3-րդ կուրսի, մագիստրատուրայի 1-ին կուրսի և/կամ հեռակա 1-ին և 2-րդ կուրսի ուսանողներ՝ ստորև նշված ֆակուլտետներից/բաժիններից․

1․ սոցիոլոգիա

2․ տնտեսագիտություն (ֆինանսներ)

3․ մաթեմատիկա (ֆինանսական մաթեմատիկա, կիրառական վիճակագրություն և տվյալների գիտություն)

3․ իրավագիտություն

4․ պատմություն (մշակութաբանություն/ազգագրություն)

5․ միջազգային հարաբերություններ (հանրային (պետական) կառավարում,

հանրային (պետական) քաղաքականություն)

6․ մանկավարժության և կրթության զարգացման կենտրոն

7․ բանասիրություն

8․ քաղաքագիտություն

9․ ժուռնալիստիկա

10. փիլիսոփայություն և հոգեբանություն։

Բոլոր հետաքրքրվողները հնարավորություն ունեն մասնակցելու մրցույթին՝ լրացնելով հետևյալ հայտադիմումը և ուղարկելով այն asryan@dvv-international.am և postgraduate@ysu.am էլեկտրոնային հասցեներին մինչև սույն թվականի ապրիլի 5-ը, ժամը՝ 18։00-ն։ Ավելի ուշ ներկայացված հայտերը չեն դիտարկվի։