Ողջունում ենք Ձեզ արդեն ամենամյա դարձած AI Conf Armenia-ի շրջանակներում, որն այս տարի կանցկացվի «AI հեղափոխությունը և կարիերան» խորագրով։

💡Այս անգամ մեր ուշադրության կենտրոնում Արհեստական բանականության հեղափոխությունն է և նոր հնարավորությունների ալիքը, որն այն բերում է իր հետ:

Միասին բացահայտելու ենք Արհեստական բանականության անծայրածիր աշխարհը, Generative AI-ի, ChatGPT-ի և այլ համակարգերի զարգացումները, դրանց կիրառումներն ու հեռանկարները Հայաստանում։

Կոնֆերանսը նախատեսված է մաթեմատիկայի, ֆիզիկայի և համակարգչային գիտությամբ մասնագիտացող ուսանողների, երիտասարդ հետազոտողների, արհեստական բանականության ոլորտի մասնագետների, ինչպես նաև բոլոր այն անձանց համար, ովքեր հետաքրքրված են տվյալ ոլորտում առաջատար հայկական ընկերությունների ձեռքբերումներով:

Ձեզ սպասվում են 👇

• Բացահայտումներով լի ելույթներ արհեստական բանականության հեղափոխության և առաջիկա զարգացումների վերաբերյալ
• Բացառիկ ակնարկներ YSU-Krisp AI լաբորատորիայի հետազոտական նախագծերից
• Տեղական ընկերությունների AI նախագծերի և հաջողության պատմությունների ներկայացումներ
• Պանելային քննարկումներ աշխատաշուկայում AI-ի դերի աճի և աշխատանքում AI գործիքների (օր․՝ ChatGPT, LangChain) արդյունավետ կիրառությունների մասին

📅 Հունիսի 23, 11:00 - 17:30

📍 ԵՊՀ Մեծ Կոնֆերանս Դահլիճ (Երևան, Ալեք Մանուկյան 1)

Կոնֆերանսի մուտքն ազատ է՝ պարտադիր գրանցումով։

Մասնակցության համար անհրաժեշտ է նախապես գրանցվել (տեղերը սահմանափակ են)։

🤝 Կազմակերպիչներ՝ Krisp և ԵՊՀ

🤝 Կազմակերպչական գործընկեր՝ Skill Event Marketing Company

🤝 Գործընկերներ՝ Picsart, 10Web, Yandex և PMI

————————

2022-ին Krisp-ը և Երևանի պետական համալսարանը համատեղ բացվող AI Lab-ի շրջանակներում նախաձեռնեցին AI Conf Armenia՝ Արհեստական բանականության թեմայով Հայաստանում առաջին կենֆերանսը։

Կոնֆերանսն ամենամյա է և նպատակ ունի քննարկել AI-ի միջազգային միտումներն ու հեռանկարները և նպաստել Հայատանում ոլորտի զարգացմանը։