Միջոցառում՝ նվիրված Երեխաների իրավունքների պաշտպանության միջազգային օրվան

ԵՊՀ Շառլ Ազնավուրի անվան մշակույթի կենտրոնի և արհեստակցական կազմակերպության նախաձեռնությամբ ս. թ. հունիսի 1-ին՝ ժամը 17:00-ին, ԵՊՀ իրավագիտության ֆակուլտետի բակում տեղի կունենա միջոցառում՝ նվիրված Երեխաների իրավունքների պաշտպանության միջազգային օրվան:

Համերգային ծրագրով հանդես կգան ԵՊՀ Շառլ Ազնավուրի անվան մշակույթի կենտրոնի մեներգիչները և «Համալսարանական» թատրոն-ստուդիայի սաները:

Միջոցառման ընթացքում կհնչեն սիրված և ճանաչված մուլտֆիլմերի երգերը, կանցկացվի կավճանկարչության մրցույթ, երեխաները «Ուրախ գնացքով» կշրջեն համալսարանի ողջ տարածքով: Երեխաներին շնորհավորելու կգան ճանաչված մուլտհերոսներ, ինչպես նաև կլինեն բազմաթիվ անակնկալներ: